„ჩვენ გამოვხატეთ იმედი, რომ რიგაში იქნება  მიღებული ნათელი გადაწყვეტილებების  საქართველოს ევროპასთან მომავალი ინტეგრაციის თაობაზე და  იმ სამუშაოს თაობაზე“,-ამის შესახებ საქართველოს პრეზიდენტმა გიორგი მარგველაშვილმა ავსტრიის პრეზიდენტთან ჰაინც ფიშერთან ერთობლივ პრესკონფერენციაზე განაცხადა. 
მისივე თქმით, ავსტრია საქართველოს  ტერიტორიული მთლიანობის აქტიური მხარდამჭერია. 
„შეხვედრის დროს ჩვენ ვისაუბრეთ იმ თემატიკის შესახებ, რომელიც ეხებოდა როგორც ორმხრივ  ასევე მრავალმხრივ საერთაშორისო  კონტექსტებს, პირველ რიგში  ჩვენ გამოვხატეთ მადლობა, ჩვენი ავსტრიელი მეგობრების მიმართ,  რადგან ისინი აქტიურად და მყარად უჭერენ მხარს  საქართველოს ტერიტორიულ მთლიანობას, მხარს უჭერენ საქართველოს ევროკავშირში  აქტიური ინტეგრაციის პროცესს.  ავსტრია აქტიური მხარდამჭერი იყო საქართველოს ევროპული  განვითარების კურსის,  ჩვენ ვისაუბრეთ შავი ზღვის რეგიონის განვითარების შესახებ, ჩვენი ავსტრიელი მეგობრები  არიან ძალიან აქტრიურები. სწორედ ხედავენ  საქართველოს მნიშვნელოვან როლს და  ეხმარებიან იმ მიმართულებით, რომ შავი  ზღვა და მისი ეს რეგიონი განვითარდეს  როგორც თანამშრომლობის, მეგობრობის  და შესაძლებლობების რეგიონი.  ჩვენ ვისაუბრეთ რეგიონის საფრთხეების შესახებაც,  ის სირთულეები, რომელიც შექმნილია რეგიონში, ის დაძაბულობა, რომელიც არის უკრაინაში, ის დაძაბულობა, რომელიც იყო საქართველოში  ყოველივე ეს ხელს უშლის რეგიონის მშვიდობიან განვითარებას და ბუნებრივია,  ჩვენ ვხედავთ, რომ ავსტრია მყარად უჭერს მხარს ჩვენი ქვეყნების მშვიდობიან  განვითარებას,  ჩვენ ვისაუბრეთ  იმ შესაძლებლობების შესახებ, რაც საქართველოს ექმნება  ასოცირების ხელშეკრულებით და იმ ეკონომიკური  პოტენციალის შესახებ,  რაც საქართველოს გააჩნია ასოცირების ხეკშეკრულების გაღრმავების და იმპლემენტაციის  თვალსაზრისით. 
 ჩვენ გამოვხატეთ იმედი, რომ რიგაში იქნება  მიღებული ნათელი გადაწყვეტილებების  საქართველოს ევროპასთან მომავალი ინტეგრაციის თაობაზე და  იმ სამუშაოს თაობაზე, რომელიც  სქართველომ როგორც სახელმწიფომ  განახორციელა ბოლო პერიოდის  განმავლობაში.  ჩვენ ვისაუბრეთ იმ ბიზნეს თანამშრომლობის შესახებ, რომელიც გვაქვს ავსტრიასთან, მადლიერება გამოვხატეთ იმ პროექტებისთვის, რომელიც ჩვენი ავსტრიელეი პარტნიორები ახორციელებენ და მე მივესლამები იმ ბიზნეს ფორუმს, რომელიც ხვალ გაიხსნება“,-განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში არეულობის შედეგად მიყენებულმა ზარალმა 1 მილიარდ ევროს გადააჭარბა

WSJ: ილონ მასკმა უკრაინელი სამხედროებისთვის Starlink-ის შენელების ბრძანება გასცა

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა