პროექტში „დანერგე მომავალი“ ცვლილებები შედის.

კერძოდ, როგორც მთავრობის სხდომაზე პრემიერ-მინისტრმა გიორგი კვირიკაშვილმა განაცხადა, მას ემატება სუფრის ყურძნის წარმოებისა და ფისტას კულტურის თანადაფინასნების კომპონენტი:

„მოგეხსენებათ უკვე სამი წელია წარმატებით ხორციელდება ეს პროექტი. ეს გახლავთ მაღალპროდუქტიული სახილე ჯიშების განვითარება ქვეყანაში. ძალიან მნიშვნელოვანი შედეგი გვაქვს. 4 ათას 700 ჰექტარზე  გაშენდა ახალი ბაღები საქართველოში. სახელმწიფო აფინანსებს, 70%-ს ნერგების საფასურს და ასევე წვეთოვან სარწყავ სისტემაზე არის 50% -იანი გრანტი გათვალისწინებული. ეს არის უდიდესი შესაძლებლობა, თითოეული ადამიანისთვის, რომელიც სოფლის მეურნეობაშია ჩართული და ამ მიმართულებით ჩვენ ვამატებთ 2 ახალ კულტურას, ეს გახლავთ სუფრის ყურძნის წარმოება, ეს არ არის ღვინისთვის განკუთვნილი ჯიშები, ასევე ფისტას კულტურა, რომელზეც ძალიან დიდი მოთხოვნაა დღეს მსოფლიოში ბაზრებზე, საქართველოში არის ფისტას წარმოების ძალიან კარგი შესაძლებლობა, სუფრის ყურძენი სამწუხაროდ ქვეყანაში, რომელიც არის უძველესი ღვინის კულტურის ქვეყანა, დღეს თითქმის მთლიანად იმპორტით შემოდის, მხოლოდ ბოლო პერიოდში დაიწყო სუფრის ყურძნის ჯიშების წარმოება, ჩვენ ნამდვილად ვფიქრობთ ამ მიმართულებით თანადაფინანსება იქნება ძალიან მნიშვნელოვანი ქვეყანაში იმპორტის ჩანაცვლების მიმართულებით და რა თქმა უნდ ადგილობრივი სასოფლიო-სამეურნეო პოტენციალის გასავითარებლად”,-აღნიშნა გიორგი კვირიკაშვილმა.

პროექტი „დანერგე მომავალი“ ინიცირებულია საქართველოს გარემოს დაცვისა და სოფლის მეურნეობის სამინისტროს მიერ და ახორციელებს სოფლის მეურნეობის პროექტების მართვის სააგენტო "ერთიანი აგროპროექტის" ფარგლებში, სახელმწიფო ბიუჯეტის დაფინანსებით.

ავტორი: ,

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს