„პატრიოტთა ალიანსის“ წევრი: არჩილ ტატუნაშვილის ცხედარი, სავარაუდოდ, ხვალ უნდა გადმოასვენონ

2018-03-07 18:50:18, 2108 ნახვა

პოლიტიკა

"პატრიოტთა ალიანსის" წევრები ოკუპირებულ ტერიტორიაზე საოკუპაციო რეჟიმის წევრებს ხვდებიან.

ინფორმაციას "რუსთავი2" ავრცელებს.

მათივე ცნობით, მოლაპარაკების მთავარი თემა არჩილ ტატუნაშვილთან ერთად დაკავებული ორი მოქალაქის საქართველოს მიერ კონტროლირებად ტერიტორიაზე გადმოსვლაა.

მედიასთან კომენტარი გააკეთა მცხეთის საკრებულოს წევრმა "პატრიოტთა ალიანსიდან" გალინა აღსაბაძემ, რომელსაც როგორც თავად ამბობს, აქვს ინფორმაცია, რომ ხსენებულ ორ მოქალაქეს დღეს, ან ხვალ დააბრუნებენ.

ასევე მისი ინფორმაციით, ტატუნაშვილის ცხედარს, სავარაუდოდ, ხვალ გადმოასვენებენ.

"რამდენადაც დამიკავშირდნენ, სავარაუდიდ, ცოცხლებს დღეს საღამოს, ან ხვალ დილას წამოიყვანენ.შესულები არიან იქ ბიჭები. არჩილ ტატუნაშვილის ცხედარი სავარაუდოდ ხვალ უნდა გადმოასვენონ. მე ვუკავშირდები ჩვენს ბიჭებს, რომლებიც იქ არიან",-აღნიშნა გალინა აღსაბაძემ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები