"არასწორია ექსპერტიზის ვადებით მანიპულირება, როდესაც  ასეთ თემებზეა საუბარი, რადგან კარგად უნდა ესმოდეს დეფაქტო ხელისუფლებას, რომ ამ საკითხს ძალიან დიდი საზოგადოებრივი მნიშვნელობა აქვს",-ასე გამოეხმაურა საპარლამენტო უმრავლესობის  წევრი გედევან ფოფხაძე სამხრეთ ოსეთის დეფაქტო პრეზიდენტის ანატოლი ბიბილოვის განცხადებას, რომლის თანახმადაც, არჩილ ტატუნაშვილის ცხედრის გადმოსვენება ექსპერტიზის დასრულებამდე არ მოხდება.

მისივე თქმით, რუსეთს მომხდარ ფაქტზე რეალობის დადგენა არ სურს:

"რუსეთს არ აწყობს არც ის, რომ ობიექტური ჭეშმარიტება დროულად დადგინდეს მომხდართან დაკავშირებით და არც ის, რომ მშვიდობა იყოს რეგიონში. რაც უფრო მტრობა გაჩნდება ქართველებსა და ოსებს შორის, ამაზე სპეკულირებით უნდათ საქართველოს ტერიტორიული მთლიანობის აღდგენას ხელი შეუშალონ. დარწმუნებული ვარ, ოსები ადრე თუ გვიან მიხვდებიან, ვინაა მათი რეალური მტერი",-განაცხადა გედევან ფოფხაძემ.

ცნობისთვის, ბიბილოვმა დღეს ჟენევის თანათავმჯდომარეებთან შეხვედრაზე განაცხადა, რომ არჩილ ტატუნაშვილის საკითხი „ძალიან პოლიტიზირებულია“. მანვე აღნიშნა, რომ ექსპერტიზის დასრულებამდე ტატუნაშვილის ცხედარს ოჯახს არ გადასცემენ.

ავტორი: ,

სოციალური ქსელები

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ

სამადაშვილი - რუსების მოკავშირე ავტოკრატია დაემხო სერბეთში. რუსეთმა და ივანიშვილის რეჟიმმა კიდევ ერთი მოკავშირე დაკარგა

transparency international - ოცნება სულ მცირე 800 000 მოქალაქეს პოლიტიკური არჩევანის გარეშე დატოვებს