"ევროპული საქართველოს" წევრის სერგი კაპანაძის განცხადებით, ადგილობრივი თვითმმართველობა დამოუკიდებელი უნდა იყოს და მხოლოდ ხალხის ნებას ემორჩილებოდეს.

როგორც მან პარლამენტის პლენარულ სხდომაზე განაცხადა, მმართველი გუნდი სხვანაირად ფიქრობს, რომ ადგილობრივი თვითმმართველობა ცენტრალურ ხელისუფლებას უნდა ემორჩილებოდეს. დეპუტატმა თითვითმმართველობების მიმართ ხელისუფლების ამგვარი დამოკიდებულების მაგალითად ბორჯომის საკრებულოში განვითარებული მოვლენები მოიყვანა, ასევე ამ კონტექსტში ისაუბრა 2012 წლის შემდგომ პროცესებზეც.

"გვესმის ლამაზი სიტყვები დეცენტრალიზაციაზე, რაღაც კონფერენცია ტარდება, ამ დროს, როგორც ჩანს, საბაზისო პრინციპების გაგების პრობლემა გაქვთ, როცა საქმე ეხება ადგილობრივ თვითმმართველობას, დაახლოებით იმ დონეზე ხართ თავის დროზე ბიძინა ივანიშვილმა რომ უთხრა გიგი უგულავას სუბორდინაცია დაიცავიო. ასე გგონიათ, სუბორდინაციის დაცვაა აუცილებელი და ადგილობრივი თვითმმართველობა უნდა ემორჩილებოდეს აუცილებლად ხელისუფლებას. საბაზისო პრინციპი და ტესტი ადგილობრივი თვითმმართველობის არის, რომ ის უნდა იყოს დამოუკიდებელი და ხალხის ნებას უნდა ემორჩილებოდეს მხოლოდ. ეს ყველაზე მეტად მაშინ იძერწება ხოლმე, როდესაც ადგილობრივი ხელისუფლება არის განსხვავებული ცენტრალური ხელისუფლებისგან. ამის შანსი გქონდათ 2012 წელს, როცა არჩევნები მოიგეთ, შემდეგი ერთი ორი წელიწადი წინა ხელისუფლება უნდა დარჩენილიყო ადგილობრივ თვითმმართველობაში  და აქ გვახსენებდა ერთ-ერთი დეპუტატი, თურმე ჩვენ რას ვუშვებოდით ადრე ადგილობრივ თვითმმართველობას და თქვენ არ გახსოვთ რა უქენით?! ცეცხლით და მახვილით რომ შევარდით თვითმმართველობებში ურდოსავით, ხალხი გამოყარეთ კაბინეტებიდან და 2 წელი ვერ მოითმინეთ. იქამდე მიხვედით, რომ თბილისის მერი საერთოდ მოხსენით. ანტიკონსტიტუციური ქმედება ჩაიდინეთ. კარგი ის ერთი გასაგებია, რევოლუციური, თუ გამარჯვების ნაბახუსევი გქონდათ, მაგრამ ახლა იგივე გააკეთეთ ბორჯომში, სადაც ოპოზიციამ ჯამურად გაჯობათ. იმის მაგივრად რომ ამდგარიყავით და ამას შეგუებოდით, ჯერ ინიციატივით შემოხვედით, რომ მერის და სამსახურის უფროსის ხელფასები გაგეზარდათ და როცა ამაზე ლეგიტიმური უარი მიიღეთ, თქვენი აქტივისტები მიუსიეთ. უმრავლესობამ გაფიცვა გამოაცხადა, ეს საერათოდ გაუგონარი რაღაც იყო.

ნაცვლად იმისა, რომ ასეთი ლამაზი სიტყვები ისროლოთ და რიხიანად ისაუბროთ თვითმმართველობაზე, დრო არის იმისა, რომ გაიგოთ, დემოკრატია ასე არ მუშაობს.თუ აგებთ არვევნებს, მაშინ არჩევნების წაგება უნდა მიიღოთ ღირსეულად",-აღნიშნა კაპანაძემ.

ავტორი: ,

სოციალური ქსელები

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ

სამადაშვილი - რუსების მოკავშირე ავტოკრატია დაემხო სერბეთში. რუსეთმა და ივანიშვილის რეჟიმმა კიდევ ერთი მოკავშირე დაკარგა

transparency international - ოცნება სულ მცირე 800 000 მოქალაქეს პოლიტიკური არჩევანის გარეშე დატოვებს