პარლამენტის რამდენიმე კომიტეტის გაერთიანებულ სხდომაზე, საქართველოს დაზვერვის სამსახურის უფროსთან შეხვედრას „ნაციონალური მოძრაობის“ წევრი სალომე სამადაშვილი სასარგებლოს უწოდებს.

თუმცა, სამადაშვილის თქმით, აუცილებელია, პარლამენტში მივიდნენ ის თანამდებობის პირები და მათ შორის  შს მინისტრი, რომლებიც საფრთხეების განეიტრალებაზე არიან პასუხისმგებელნი:

„შეხვედრა იყო სასარგებლო იმის მოსასმენად, თუ როგორ აფასებს დაზვერვის სამსახური დღეს ამ ქვეყნის წინაშე მდგარ ამოცანებს, მაგრამ პირველ რიგში აუილებელია, ჩვენ უახლოეს დღებში საქართველოს პარლამენტში მოვიწვიოთ ის თანამდებობის პირები, რომლებიც პასუხიმგებელი არიან ამ საფრთხეების განეიტრალებაზე.პარლამენტში უახლოეს დღეებში უნდა მობრძანდეს  შინაგან საქმეთა მინისტრი გახარია“,-აღნიშნა სამადაშვილმა.

თავდაცვისა და უშიშროების, საგარეო ურთიერთობათა და დიასპორის და კავკასიის საკითხთა კომიტეტების გაერთიანებულ სხდომაზე, საქართველოს დაზვერვის სამსახურის უფროსმა, დავით სუჯაშვილმა საინფორმაციო ბრიფინგი გამართა.  დაზვერვის სამსახურის საქმიანობის ანგარიში, დახურულ ფორმატში წარიმართა. ღონისძიების დასრულების შემდეგ, სამსახურის უფროსმა მედიასთან მცირე კომენტარი გააკეთა და საქართველოს მიმართ არსებულ საფრთხეებზე დასმულ კითხვას უპასუხა.

„პარლამენტში საკმაოდ კონსტრუქციული შეხვედრა გაიმართა. დაზვერვის სამსახურმა წარმოადგინა საინფორმაციო ბრიფინგი, რომელიც მოიცავდა სამსახურის ხედვას საერთაშორისო სივრცეებში მიმდინარე პროცესებთან დაკავშირებით. საქართველოს ტერიტორიები ოკუპირებულია და როგორ ფიქრობთ, მთავარი საფრთხე საიდან მოდის?!", - განაცხადა დავით სუჯაშვილმა.

ავტორი: ,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება