|
2018-02-17 15:07:47, 1920 ნახვა
საზოგადოება
ამირან გამყრელიძე მოსახლეობას მიმართავს, წითელაზე ვაქცინაცია ჩაიტარონ
დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელი ამირან გამყრელიძე მოსახლეობას მიმართავს, წითელაზე ვაქცინაცია ჩაიტარონ. როგორც გამყრელიძემ აღნიშნა, საქართველოს მასშტაბით დაავადების მატება ფიქსირდება და ინტენსიური შემაკავებელი ღონისძიებები მიმდინარეობს. მისივე ინფორმაციით, გეგმიური ვაქცინაცია ან დამატებითი აცრა სახელმწიფოს მიერ ფინანსდება. "დღეის მდგომარეობით საქართველოს მასშტაბით წითელას 278 შემთხვევაა დაფიქსირებული, აქედან ყველაზე მეტი შემთხვევა აჭარაში ფიქსირდება. ამიტომ, მიმდინარეობს ინტენსიური შემაკავებელი ღონისძიებები აჭარაში და მთლიანად საქართველოში. ფიქსირდება მატების ტენდენცია. გუშინდელი მონაცემებით 30-მდე შემთხვევა ფიქსირდება თბილისშიც. ზოგადად დაავადების მატება შარშან და წელსაც მთლიანად ევროპაში აღინიშნება. შარშან ევროპის მასშტაბით 15 ათასამდე შემთხვევა დაფიქსირდა. სამწუხაროდ, 34 ფატალური შედეგით დასრულდა. წითელა გახლავთ საკმაოდ კონტაგიოზური დაავადება. ადვილად ვრცელდება ადამიანიდან ადამიანზე. ის მონახავს იმას ვინც არ არის აცრილი. წითელას პროფილაქტიკის ერთადერთი საშუალება აცრაა. ის ვინც არ არის აცრილი, მასზე დაავადება ადვილად გადადის. ჩვენი ერთ-ერთი მთავარი რეკომენდაცია არის ხელმეორედ აცრა 20-დან 40 წლამდე ადამიანებისთვის. ანუ თუ არ გახსოვთ აცრილი ხართ თუ არა, ან არ გახსოვთ გადატანილი გაქვთ თუ არა წითელა, უკეთესი იქნება თუ პოლიკლინიკაში მიხვალთ და წითელას საწინააღმდეგო ვაქცინაციას ჩაიტარებთ. ამას არანაირი უკუჩვენება არ ექნება. შეუძლიათ მოქალაქეებს მივიდნენ ნებისმიერ პოლიკლინიკაში, ეს არის სრულად უფასო. სახელმწიფო სრულად იღებს საკუთარ თავზე ამ ხარჯს - საუბარია როგორც გეგმიურ ვაქცინაციაზე ისე დამატებით აცრაზე", - განაცხადა ამირან გამყრელიძემ "იმედის" ეთერში.
„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე
პატრიარქმა კირილმა შიო III-ს მშვიდობიანი და კურთხეული პატრიარქობა უსურვა
კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში
ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს
|
რედაქტორის რჩევით
არჩეული პატრიარქის რუსული კავშირები
არჩეული პატრიარქი შიო მესამედ იწოდა, ვინ იყვნენ შიო პირველი და შიო მეორე
ომი უკრაინაში
„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე
პუტინს სჯერა რომ უკრაინაში აგრესიულ ომს მალე დაასრულებს და უკრაინის შეიარაღებულ ძალებს გაანადგურებს
ვიდეო/LIVE პატრიარქის ილია მეორის დაკრძალვა - პირდაპირი
არჩეული პატრიარქის რუსული კავშირები
დღის თემა
|





epn.ge (@expressnews.ge)