ნოდარ ხადური ალბანეთის ფინანსთა მინისტრის მოადგილეს შეხვდა

2015-05-15 12:00:04, 429 ნახვა

პოლიტიკა

საქართველოსა და ალბანეთს შორის თანამშრომლობის საკითხები განიხილეს ფინანსთა მინისტრმა ნოდარ ხადურმა და ალბანეთის ფინანსთა მინისტრის მოადგილემ ერხონ ლუჩიმ დღეს პარლამენტში გამართულ შეხვედრაზე.

ფინანსთა სამინისტროს ინფორმაციით, საუბარი ასევე შეეხო საქართველოსა და ალბანეთს შორის ორმაგი დაბეგვრის თავიდან აცილების შესახებ შეთანხმების გაფორმებაზე მოლაპარაკებების დაწყების პერსპექტივას, რაც ხელს შეუწყობს ორ ქვეყანას შორის სავაჭრო სფეროში არსებული პოტენციალის ზრდას.

„ჩვენთვის მნიშვნელოვანია საქართველოსთან თანამშრომლობის გაღრმავება. განსაკუთრებით კი, საგადასახადო და საბაჟო ადმინისტრირების სფეროში მიღწეული წინსვლის გაზიარება, სწორედ ამ მიზნით საქართველოს უახლოეს მომავალში ეწვევა ალბანეთის დელეგაცია, რათა ადგილზე გაეცნოს ქართულ გამოცდილებას“, - განაცხადა ერხონ ლუჩიმ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან