აზერბაიჯანში ვიზიტის ფარგლებში, საქართველოს პირველი ვიცე-პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი აზერბაიჯანის ეკონომიკის მინისტრს შაჰინ მუსტაფაევს შეხვდა. 

შეხვედრაზე მხარეებმა განიხილეს ორი ქვეყნის ეკონომიკური თანამშრომლობის ძირითადი მიმართულებები. აღინიშნა, რომ ქვეყნებს შორის მნიშვნელოვანი სავაჭრო ბრუნვის მიუხედავად, პოტენციალი ძალიან დიდია და მას აუცილებლად ესაჭიროება განვითარება. მინისტრების შეხვედრაზე ასევე ყურადღება გამახვილდა ორმხრივ ვაჭრობაზე - 2017 წელს აზერბაიჯანი საქართველოსთვის სიდიდით მეოთხე პარტნიორი გახდა. რაც შეეხება ექსპორტს, ამ მაჩვენებლის ზრდამ 2017 წელს წინა წლის ანალოგიურ პერიოდთან შედარებით 78 პროცენტი შეადგინა. 

ორმხრივი ურთიერთობების გარდა, მხარეებმა პრიორიტეტულად დააყენეს თანამშრომლობა მრავალმხრივ და რეგიონალურ ფორმატებში. განსაკუთრებული აქცენტი გაკეთდა პროექტებზე, რომლებიც  საქართველოს, აზერბაიჯანისა და თურქეთის ჩართულობით ხორციელდება.
დიმიტრი ქუმსიშვილისა და შაჰინ მუსტაფაევის შეხვედრაზე ასევე დაისვა გეოგრაფიული დასახელებების აღიარების შესახებ შეთანხმების გაფორმებისა და ეკონომიკური თანამშრომლობის მთავრობოთაშორისი კომისიის მოწვევის საკითხები. გარდა ამისა, მხარეებმა ორ ქვეყანას შორის ეკონომიკური თანამშრომლობის ფართო სპექტი განიხილეს.

(NS)

ავტორი: ,

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება