საქართველოში დამოუკიდებელი საგამოძიებო მექანიზმი იქმნება, რომელიც სამართალდამცველების მიერ ჩადენილ შესაძლო დანაშაულს, არასათანადო მოპყრობისა და გადაცდომების ფაქტებს გამოიძიებს.

ინიციატივა იუსტიციის სამინისტროს ეკუთვნის. პრემიერ გიორგი კვირიკაშვილის განცხადებით, დამოუკიდებელი საგამოძიებო მექანიზმის შექმნის ვალდებულება  ევროკავშირის ასოცირების ხელშეკრულებითაა გათვალისწინებული:

"კიდევ ერთი მნიშვნელოვანი საკითხი, ეს არის დამოუკიდებელი საგამოძიებო მექანიზმის შექმნა. მოგეხსენებათ, რომ ევროკავშირის ასოცირების ხელშეკრულებით გათვალისწინებულია ეს ვალდებულება და ძალიან მნიშვნელოვანია, რომ იუსტიციის სამინისტრო შემოდის ამ ინიციატივით, იქმნება დამოუკიდებელი საგამოძიებო მექანიზმი, რომელსაც სამართალდამცავთა მიერ ჩადენილი შესაძლო დანაშაული, არასათანადო მოპყრობა და გადაცდომები უნდა დაექვემდებაროს საგამოძიებოდ. მნიშვნელოვანია, რომ პროექტი ითავლისწინებს ამ უწყების აბსოლუტურ დამოუკდიებლობას და ამის უზრუნველმყოფი იქნება პარლამენტი. გათავლისწინებულია სახელმწიფო ინსპექტორის აპარატის შექმნა და ის დაფუძნებულია ყველა იმ ძირითად პრინციპზე, რომელიც წამყვან დემოკრატიული ქვეყნებში არსებობს და არის აპრობირებული. ძალიან მნიშვნელოვანია, რომ განვამტკიცოთ ნდობა ჩვენს სამართალდამცავების მიმართ და ამ კუთხით მოგეხსენებათ,რომ შსს-ში ძალიან მნიშვვნელოვანი რეფორმები მიმდინარეობს. განხორციელდა მნიშვნელოვანი რეფორმები პროკურატურაში. მოგეხსენებათ,რომ მესამე ნაკადის რეფორმა, ასევე სასამრთლო სისტემაში მიმდინარეობს და ვფიქრობ,რ ომ ეს მექანიზმი იქნება კიდევ ერთი დამატებითი კომპონენტი, რომელიც ერთის მხრივ ხელს შეუწყობს მოსახლეობის ნდობის ამაღელბას სამართალდამცავი უწყებების მიამრთ, მაგრამ ასევე მნიშვნელოვანია, რომ ჩვენს სამართალდამცავებს ჰქონდეთ ობიექტურობის შეგრძნება, რომ ისინი იქნებიან წახალისებულნი,როდესაც კანონიერად იმოქმედებენ და იქნება მექნიზმი, რომელიც განიხილავს მათ მიერ შესაძლო გადაცდომებს", - განაცხადა კვირიკაშვილმა.

ავტორი: ,

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება