EBRD-ის ყოველწლიური შეხვედრისა და ბიზნესფორუმის ფარგლებში, ფინანსთა მინისტრმა ნოდარ ხადურმა მორიგი შეხვედრა სამხრეთ კორეის დელეგაციასთან გამართა.

ფინანსთა სამინისტროს ინფორმაციით, ნოდარ ხადური სამხრეთ კორეის სტრატეგიისა და ფინანსთა მინისტრის მოადგილეს ჰუნგვან ჯოს შეხვდა.
 
როგორც უწყებაში აცხადებენ, შეხვედრაზე განიხილეს ორ ქვეყანას შორის თანამშრომლობის საკითხები, მათ შორის, ჩვენს ქვეყანაში კორეული ინვესტიციების მოზიდვის შესაძლებლობები, ისეთ სფეროებში, როგორებიცაა: საგზაო ინფრასტრუქტურა, ენერგეტიკა, განათლების სექტორი.
 
როგორც დელეგაციის ხელმძღვანელმა აღნიშნა, საქართველო მნიშვნელოვანი ქვეყანაა კორეისთვის.
მისი განცხადებით, კორეა მოხარული იქნება, ქართულ მხარეს მხარდაჭერა გაუწიოს ქვეყნისთვის პრიორიტეტული სფეროების დაფინანსების მიმართულებით.
 
ფინანსთა მინისტრმა სტუმარს ინფორმაცია მიაწოდა საქართველოს საინვესტიციო პოტენციალის შესახებ,ასევე ანაკლიის ღრმაწყლოვანი პორტისა და ბაქო-თბილისი-ყარსის პროექტების შესახებ და აღნიშნა, რომ ასეთი მასშტაბის ინფრასტრუქტურული  პროექტები, შესაძლებლობას იძლევა კიდევ უფრო გაიზარდოს საქართველოს სატრანზიტო პოტენციალი.
 
მხარეებმა ასევე ისაუბრეს აზიის ინფრასტრუქტურის საინვესტიციო ბანკში ორ ქვეყანას შორის სამომავლო თანამშრომლობის საკითხებზე.

როგორც ნოდარ ხადურმა განაცხადა, საქართველო შემოდგომით მზად იქნება ხელი მოაწეროს სამხრეთ კორეასთან შემოსავლებსა და კაპიტალზე ორმაგი დაბეგვრის თავიდან აცილებისა და გადასახადების გადაუხდელობის აღკვეთის შესახებ შეთანხმებას, რაც დამატებითი სტიმული იქნება სამხრეთ კორეული ინვესტიციების მოცულობის ზრდისთვის საქართველოში.
 
სამხრეთ კორეის დელეგაციის ხელმძღვანელმა ფინანსთა მინისტრს მადლობა გადაუხადა EBRD-ის ყოველწლიური შეხვედრისა და ბიზნესფორუმის მაღალ დონეზე ორგანიზებისთვის და იმედი გამოთქვა, რომ დღეს გამართული მოლაპარაკებები ორ ქვეყანას შორის სავაჭრო-ეკონომიკური ურთიერთობების გააქტიურებას შეუწყობს ხელს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკის პარტნიორმა კომპანია აგროტექნომ ქართულ ბაზარზე ახალი ბრენდი - Weitai შემოიყვანა

ცოფის შემთხვევის დაფიქსირების გამო, წალკაში კარანტინი გამოცხადდა

ბაზისბანკის მხარდაჭერით ფულის გლობალური კვირეულისადმი მიძღვნილი ნახატების კონკურსი "ჩემი რეგიონი - ჩემი ბანკნოტი" დასრულდა

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება