ჯანდაცვის მინისტრმა დავით სერგეენკომ პაციენტების სამედიცინო ისტორიის  ელექტრონიზაციის საკითხზე ისაუბრა.

როგორც მან აღნიშნა, მნიშვნელოვანია ქაღალდმატარებელი ინფორმაციის  ელექტრონულ სერვისებად გარდაქმნა, ვინაიდან პაციენტს პრობლემა არ შეექმნას.

სერგეენკოს განცხადებით, ელეტრონულ სისტემაზე გადართვა სავალდებულო ხდება. მისივე ინფორმაციით, პაციენტების სამედიცინო ისტორიის ელექტრონიზაცია  წლის ბოლოსთვის თბილისის მასშტაბით, 2019 წლიდან კი - მთელ საქართველოში განხორციელდება.

მინისტრი ამბობს, რომ ელექტრონული სისტემის საშუალებით,  უფრო სრულყოფილი კლინიკური ინფორმაციის მიღება იქნება შესაძლებელი:

„პაციენტის სამედიცინო ისტორია არის დიდი დოკუმენტი, რომელიც იწყება მისი დაბადებიდან- პირველი ვიზიტები, ვაქცინაციები,რაც კი სერვისები დასჭირვებია ცხოვრებაში, ასევე მისი მონაცემები, როგორიც არის ალერგია, ამა თუ იმ დაავადებისაკენ მიდრეკილება და ა.შ. არსებულ სისტემაში ეს არის ქაღალდმატარებლები, რომლებიც გაფანტულია და იშვიათადაა, რომ იყოს თავმოყრილი და ასევე პაციენტს ის  თან არ დააქვს. როდესაც სხვა ქალაქში შეიძლება  მოხვდეს ექიმთან, მას თვითონვე შეიძლება დაავიწყდეს, ან იყოს უგონო მდგომარეობაში და ვერ უთხრას. ელექტრონული ჯანდაცვის სისტემა ქაღალდის მატარებლის ელიმინაციას ახდენს და სრულ წვდომას ანიჭებს არა მარტო დოკუმენტაციაზე, არამედ მის კვლევებზე, მაგალითად რენდგენის, კომპიუტერული ტომოგრაფიის. ეს ყველაფერი იქნება მიწვდომადი. იმპლემენტაცია უკვე დაწყებულია. პილოტირებას გადის 4 კლინიკაში, სრულად გადართვა სავალდებულოა. ეს მოხდება წლის ბოლოს თბლისისათვის და შემდეგი წლიდან მთელი საქართველოსთვის“,-განაცხადა სერგეენკომ.

ავტორი: ,

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში