შრომის, ჯანმრთელობისა და სოციალური დაცვის მინისტრმა, დავით სერგეენკომ 2017 წელს უწყების მიერ განხორციელებული და მიმდინარე წელს დაგეგმილი პროექტების შესახებ ანგარიში წარადგინა.

2017 წლის მთავარ წარმატებად მინისტრმა საყოველთაო ჯანდაცვის პროგრამის სტაბილურობის მიღწევა და მედიკამენტებზე ხელმისაწვდომობის გაზრდის მიზნით, პროგრამისთვის ამ კომპონენტის დამატება დაასახელა.

მინისტრის განცახდებით, მთავარ პრიორიტეტად, კლინიკური მოვლისა და მედიკამენტების ხარისხის მიმართულებით, კონტროლის სისტემის იმპლემენტაცია განისაზღვრება. დავით სერგეენკომ ჯანდაცვის მიმართულებით, მიმდინარე წლის განმავლობაში დაგეგმილ პროექტებს შორის, ელექტრონული რეცეპტის სისტემაზე გადასვლა დაასახელა.

უწყების ხელმძღვანელმა სოციალურ მიმართულებაზე საუბრისას, სისტემის სრულყოფისთვის, მეთოდოლოგიასა და ადმინისტრირებაში განხორციელებულ ცვლილებებზე გაამახვილა ყურადღება.

შრომის უსაფრთხოების საკითხები, სფეროს მართვის იერარქია და შრომის ინსპექტორის ფუნქცია-მოვალეობები იყო ის ძირითადი საკითხები, რის შესახებაც გამოსვლის დასკვნით ნაწილში დავით სერგეენკომ ისაუბრა.

შეხვედრა დისკუსიის რეჟიმში წარიმართა. მოხსენების შემდეგ შრომის, ჯანმრთელობისა და სოციალური დაცვის მინისტრმა, დავით სერგეენკომ დამსწრე საზოგადოების მიერ დასმულ კითხვებს უპასუხა.

(NS)

ავტორი: ,

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში