ვაკის რაიონის გამგეობის ინფრასტრუქტურული პროექტების ფარგლებში, სპორტული მოედნების აღდგენა-რეაბილიტაცია მიმდინარეობს.

მერიის ინფორმაციით, სამუშაოები რამდენიმე მისამართზე, მათ შორის, ბაგებში, სტუდქალაქის ტერიტორიაზე და წყნეთში, მაია წყნეთელის II ჩიხში უკვე დაიწყო.

მოედნების სარეაბილიტაციო სამუშაოებს, გამგეობის დაკვეთით, შპს „კვადრელი“ განახორციელებს. სტადიონებზე შეიცვლება ღობეები, ბალახის ხელოვნური საფარი და შესაბამისი ინფრასტრუქტურა მოეწყობა.

რეაბილიტაციის პროცესს ვაკის რაიონის გამგებელი ნოდარ ტურძელაძე და ვაკის რაიონის მაჟორიტარი დეპუტატი საკრებულოში გიორგი მუსხელიშვილი გაეცნენ.

„ჩვენ აქტიურად განვაგრძობთ სხვადასხვა სახის სარეაბილიტაციო სამუშაოებს, მათ შორის, ერთ-ერთი მთავარი მიმართულება ბავშვებისა და უფროსებისთვის ჯანსაღი ცხოვრების წესის ხელშეწყობა და შესაბამისი ინფრასტრუქტურის განვითარებაა. 2016-2017 წლებში, ვაკის რაიონში, 45-მდე სპორტული მოედნის მოწყობა-რეაბილიტაცია განვახორციელეთ. 2018 წლის პირველ კვარტალში კი, ექვსი სპორტული მოედნის სრული აღდგენა-რეაბილიტაცია მოხდება. გარდა ამისა, ახლო მომავალში, ასევე იგეგმება ერთი ახალი სტადიონის მოწყობა“, - განაცხადა ვაკის რაიონის გამგებელმა.

მიმდინარე წლის პირველ კვარტალში, ექვსი სპორტული მოედნის რეაბილიტაციისთვის გამგეობის ბიუჯეტიდან 264 000 ლარი გამოიყოფა.

(NS)

ავტორი: ,

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში