„თუ უკრაინა წარმატებას ვერ მიაღწევს ან სტაგნაციაში დარჩება, ვლადიმერ პუტინი ამ ქვეყანას გაანადგურებს“, - ამის შესახებ საქართველოს მესამე პრეზიდენტმა, ოდესის ოლქის ყოფილმა გუბერნატორმა მიხეილ სააკაშვილმა ფრანგულ გამოცემა Liberation-ისთვის მიცემულ ინტერვიუში განაცხადა.

სააკაშვილის თქმით, ზოგიერთ რეგიონებში ადგილი აქვს ძლიერ სეპარატისტულ ტენდენციებს.

მანვე დასძინა, რომ ეკონომიკური ზრდის გარეშე სამოქალაქო მშვიდობის შერყევისა და ქვეყნის ბალკანიზაციის რისკები რეალურია.

"უკრაინას განწმენდა ესაჭიროება.ის დისფუნქციურ მდგომარეობაში იმყოფება. შვიდმა ოლიგარქმა მიისაკუთრა ქვეყნის მთელი სიმდიდრე. მიუხედავად ამისა  მასობრივი რეპრესიების არ მჯერა და ადრე თუ გვიან ყველას ციხეში ჩავსვამ. უკრაინაში ეკონომიკური ზრდის გარეშე სამოქალაქო მშვიდობა საფრთხის ქვეშ დადგება.

მთავრობა არაპოპულარულია.  როდესაც პოროშენკოს შევუტიე, ხალხი გარეთ გამოვიდა მანიფესტაციებზე. ბოლო გამოკითხვების თანახმად, ჩემს პარტიას 6-7%-იანი მხარდაჭერა აქვს. ჩვენ შეგვიძლო პარლამენტში შევსულიყავით. ეს რეიტინგი არც თუ ისე ცუდია იმ პარტიისთვის, რომელიც 6 თვის წინ არც კი იყო პოლიტიკურ რუკაზე. ეს მიუთითებს იმაზე, რომ პოროშენკო საკმაოდ სუსტია. ის ცდილობს ყველაფერი გააკონტროლოს, თუმცა ჩემზე თავდასხმით მან მე ავანსცენაზე გამომიყვანა. მზად ვარ საჯაროდ დამწვან, თუ პოროშენკო უკრაინას წაადგება. მე არ შემიძლია საპრეზიდენტო არჩევნებზე ჩემი კანდიდატურის წარდგენა. მაგრამ, თუ მე დავეხმარები პოლიტიკურ სცენაზე ახალი ფიგურის გამოჩენას, ეს დიდი წარმატება იქნება. ჩემი საბოლოო მიზანი - წარმატებული უკრაინაა. თუ უკრაინა წარმატებას ვერ მიაღწევს ან სტაგნაციაში დარჩება, ვლადიმერ პუტინი ამ ქვეყანას გაანადგურებს. ანუ მთლიანად რეგიონი, მათ შორის საქართველო დამოუკიდებელი გეოპოლიტიკური სივრციდან გაქრება. ჩემთვის ეს შანსია პოსტსაბჭოთა სივრცეში მეორე ქვეყანა წარმატების ისტორიად ვაქციო. იქნება ეს ბრძოლა სასამართლოს გზით ან რაიმე სხვა გზით, მე ბოლომდე ვიბრძოლებ“, - განაცხადა მიხეილ სააკაშვილმა.

ავტორი: ,

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს