თბილისის საბავშვო ბაგა-ბაღების მართვის სააგენტოს ხელმძღვანელი კახაბერ გვანცელაძე N40 ბაგა-ბაღში იმყოფებოდა, სადაც ავარიულობის გამო დახურული N19 ბაგა-ბაღიდან 70-მდე აღსაზრდელი გადავიდა. 

ბაღის ორი ჯგუფი თავდაპირველად, ღონისძიებების დარბაზში განათავსეს, თუმცა იმის გამო, რომ ბაგა-ბაღის ერთ-ერთი აღსაზრდელი, რომელსაც აუტისტური სპექტრის აშლილობა აქვს, განსხვავებულ გარემოს ვერ შეეგუა, ბაღის დირექტორმა ლამარა ჯალაღანიამ საკუთარი სამუშაო კაბინეტი გაათავისუფლა, სადაც კიდევ ერთი სააღმზრდელო ოთახი მოეწყო.

განსაკუთრებული საჭიროების მქონე აღსაზრდელის პრობლემების შესახებ სააგენტოს ხელმძღვანელ კახაბერ გვანცელაძეს რამდენიმე დღის წინ, თავად აღსაზრდელის მშობელი ესაუბრა და აღნიშნული ვითარების გათვალისწინება სთხოვა, რადგან მშობლის განმარტებით, ბავშვს ბაღის სპეცპედაგოგისა და აღმზრდელის ერთობლივი მუშაობის შედეგად, მნიშვნელოვანი წარმატება ჰქონდა და ამ ვითარებაში, მისთვის გარემოს შენარჩუნება მნიშვნელოვანი იყო.  

აღნიშნული შეხვედრის შემდეგ, კახაბერ გვანცელაძის გადაწყვეტილებით, N19 ბაღში სპეცპედაგოგი დაინიშნა, რომელიც სხვა ბაღებში გადანაწილებულ ბავშვებთან იმუშავებდა, N40 ბაღში მყოფ ბავშვებთან კი, სწორედ ის პედაგოგი დარჩებოდა, რომელიც სპეციალური საჭიროების მქონე კონკრეტულ აღსაზრდელთან მუშაობდა. 

კახაბერ გვანცელაძე N19 ბაღის აღსაზრდელებს მასპინძელ ბაღში დღეს პირადად ეწვია და N40 ბაღის დირექტორს გულისხმიერებისთვის მადლობა გადაუხადა.

(NS)

ავტორი: ,

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში