„საქართველო ერთ–ერთი საუკეთესო ადგილია ინვესტიციების განხორციელებისა და ბიზნესის წარმოებისთვის“, –ამის შესახებ საქარველოს პრემიერ–მინისტრმა ირაკლი ღარიბაშვილმა EBRD–ის შეხვედრის გახსნის ცერემონიაზე განაცხადა. 

ღარიბაშვილის თქმით,ხელისუფლების მიზანია, ბიზნესის ხელშეწყობისა და კერძო სექტორის გაფართოვების გზით ხელი შეუწყოს ქვეყნის ეკონომიკის წინსვლას და ცხოვრების დონის ამაღლებას, რაც, პრემიერის შეფასებით, საქართველოს „ევროპულ ოჯახთან“ კიდევ უფრო დაახლოვებს. 

 „ჩემთვის დიდი პატივია მოგესალმოთ საქართველოს მთავრობის სახელით და მადლობა გადაგიხადოთ ევროპის რეკონსტრუქციისა და განვითრების ბანკის ყოველწლიურ შეხვედრასა და ბიზნესფორუმში მონაწილეობისთვის. ასეთი ფორუმი პირველად ტარდება ჩვენს რეგიონში, რაც კიდევ უფრო საამაყოსა და საპასუხისმგებლოს ხდის ასეთი მნიშვნელოვანი ღონისძიების მასპინძლობას და ხაზს უსვამს ევროპის რეკონსტრუქციისა და განვითარების ბანკთან ჩვენი ქვეყნის ხანგრძლივ, მჭდრო და ნაყოფიერ თანამშრომლობას. 

ჩვენ დიდად ვაფასებთ ამ თანამშრომბლობას, რომლის შედეგადაც გასულ წელს პრაქტიკულად გაორმაგდა ბანკის მიერ საქართველოს ეკონომიკაში განხორციელებული ინვესტიციები, რომელმაც 200 მილიონ ევროს გადააჭარბა. ჩვენი თანამშრომლობის 22 წლის განმავლობაში მთლიანად ბანკის ინვესტიციებმა საქართველოს ეკონომიკაში 2 მილიარდ 600 მილიონი ევრო შეადგინა. 
საქართველო არის მოწინავე ქვეყანა, გამჭვირვალობის და ღია მმართელობის თვალსაზრისით და სწორედ ამიტომ იგი ერთ–ერთი საუკეთესო ადგილია ივესტიციების განხორციელებისა და ბიზნესის წარმოებისთვის. 

ჩვენმა ქვეყანამ დიდი გზა გაიარა საბაზრო ეკონომიკის, დემოკრატიისა და კანონის უზენაესობის პრინციპების მეტად დამკვიდრებისა და განმტკიცების გზაზე. 
სწორედ იმ ძრეული ღირებულებების დამკვიდრების გაზაზე, რომელიც მთავარია ევროკავშირის და ევროპის რეკონსტრუქციისა და განვითრების ბანკისთვის. 

გასულ წელს ჩვენმა ქვეყანამ ხელი მოაწერა ევროკავშირთან ასოცირების ხელშკერულებას, რაც ევროპული ინტეგრაციისკენ გადადგმული კიდევ ერთი მნიშვნელოვანი ნაბიჯია. 
ამ ხელშეკრულებით იქმნება ღრმა და ყოვლისმომცველი თავისუფალი სავაჭრო სივრცე, რომელიც გვთვაზობს საინვესტიციო და ეკონომიკური ზრდის მრავალმხრივ შესაძლებლობებს. ჩვენი მიზანია, ბიზნესის ხელშეწყობის და კერძო სეტორის გაფართოვების გზით ხელი შევუწყოთ ჩვენი ქვეყნის ეკონომიკურ წინსვლას და ცხოვრების დონის ამაღლებას, ჩვენ ვფიქორბთ, რომ ეს კიდევ უფრო დაგვაახლოვებს საერთო ევროპულ ოჯახთან“, – განაცხადა ირაკლი ღარიბაშვილმა. 

მისივე თქმით, საქართველოს მთავრობის ურყევი გადაწყვეტილებაა, ასოცირების ხელშეკრულების და ღრმა და ყოვლისმომცველი სავაჭრო სივრცის შესახებ შეთანხმების სწრაფი განხორციელება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს