უგულავა პარლამენეტის შუალედურ არჩევნებში მონაწილეობას მიიღებს

2018-02-04 15:53:12, 2236 ნახვა

პოლიტიკა

„ევროპული საქართველოს“ გენერალური მდივანი გიგი უგულავა პარლამენეტის შუალედურ არჩევნებში მიიღებს მონაწილეობას.

უგულავა ვანისა და ხონის მაჟორიტარობის კანდიდატი იქნება.

„სახელმწიფო აგებს ომს სიღარიბესთან, აგებს ომს უმუშევრიობასთან, აგებს ომს კრიმინალთან. ჩვენ ვაგებთ და ვკარგავთ რწმენას საკუთარი თავისა და ქვეყნის პერსპექტივის. ამიტომ მივიღე მე ეს გამოწვევა. ხონსა და ვანს აქვს პრივილეგია იყოს ამ ცვლილებების მედროშე და ავანგარდი. ამ საყოველთაო უიმედობის ფონზე ხონელებსა და ვანელებს აქვთ შანსი საქართველოს მდორე პოლიტიკური ცხოვრების ჩარხი შეაბრუნონ და ქვეყანა პროგრესისკენ მიმართონ“- განაცხადა უგულავამ.

დღეს, "ევროპულმა საქართველომ" რიგით მეხუთე, რიგგარეშე ყრილობა გამართა.

ყრილობაზე დელეგატებმა პარტიის პოლიტიკური საბჭოს ახალი შემადგენლობა დაამტკიცეს, სადაც, პოლიტსაბჭოს თავმჯდომარედ გიგა ბოკერია აირჩიეს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები