გადაცემა „პრიორიტეტის“ წამყვანი მაკა რაზმაძე აცხადებს, რომ ტელეკომპანია „იბერიამ“ იგი სამსახურიდან დაითხოვა.

როგორც რაზმაძე Facebook-ის საკუთარ გვერდზე წერს, აღნიშნულის შესახებ ტელეკომპანიიდან SMS-ით შეატყობინეს.

„ამ წუთიდან შევუერთდი ჩვენი ქვეყნის უმუშევართა დიდ არმიას. მახსოვს წლების წინ როცა ტელევიზიაში ვმუშაობდი, ტყვიებზე მივდიოდი, ომის წინა ხაზზე ვიყავი - დეპეშა მივიღე სამსახურიდან ხვალიდან ნუღარ მოხვალ აქ აღარ მუშაობო დეჟავიუ...სე ლა ვი...

ახლაც ასე დეპეშასავით ორსიტყვიანი სმს და სრულიად შეცვლილი ცხოვრება. საბანკო ვალდებულებები, დავალიანებები და გაურკვეველი ხვალინდელი დღე....

თუმცა ესაა ცხოვრება და როგორც ადრე არც ახლა მეშინია. არც ახლა დამაკარგვინებს სახეს გაჭირვება როგორც აქამდე არ დამაკრგვინა. არც ახლა ვაპირებ სხვებზე გადაბრალებებს და სხვების საქციელებზე ლაპარაკს.

კიდევ ერთი ეტაპი დასრულდა და კიდევ ერთხელ ვდგავარ უცნობი მომავლის პირისპირ....კიდევ ერთხელ მომიწევს თავიდან დაწყება და ძველი ტკივილების გადავიწყება...

კიდევ კარგი შორს წასვლა არ მომიწევს ისედაც სულ ხალხი ვიყავი მეც და ხალხად დავრჩები-ჩვენ ერთნი ვართ და ერთად ყველაფერს გადავიტანთ! რაც მთავარია ღირსებით და ღირსეულად გადავიტანთ როგორც აქამდე და როგორც ყოველთვის“, - წერს მაკა რაზმაძე.

ავტორი: ,

სოციალური ქსელები

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში

საგარეჯოში თანასოფლელმა ქორწილში მიმავალი ორი ძმა მოკლა, მესამემ თავს გაქცევით უშველა