2015-05-13 20:02:52, 341 ნახვა
პოლიტიკა
უკრაინის ფინანსთა მინისტრი თბილისს ეწვია
ევროპის რეკონსტრუქციისა და განვითარების ბანკის ყოველწლიურ შეხვედრაში მონაწილე დელეგაციის წევრები თბილისში ჩამოსვლას განაგრძობენ.
დღეს თბილისში ჩამოვიდა უკრაინის ფინანსთა მინისტრი ნატალია იარესკო, რომელსაც თბილისის საერთაშორისო აეროპორტში დახვდა ფინანსთა მინისტრი ნოდარ ხადური.
აეროპორტში გამართულ შეხვედრაზე საუბარი შეეხო ჩვენს ქვეყნებს შორის ორმხრივი და მრავალმხრივი თანამშრომლობის საკითხებს.
უკრაინის ფინანსთა მინისტრმა ქართველ კოლეგასთან ერთად დაათვალიერა თბილისის გაფორმების ეკონომიკური ზონა, სადაც გაეცნო გეზის მუშაობას.
ევროპის რეკონსტრუქციისა და განვითარების ბანკის ყოველწლიური შეხვედრის ფარგლებში ორი ქვეყნის ფინანსთა მინისტრების შეხვედრა დაგეგმილია 15 მაისს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
