გმირთა მოედანზე მომხდარ დაჭრაში ბრალდებულ საბა სამუშიას ადვოკატის ირმა შალამბერიძის განცხადებით, მისი დაცვის ქვეშ მყოფს მრავლობითი დაზიანება აღენიშნება.

როგორც შალამბერიძემ აღნიშნა, საბა სამუშია აღიარებს, რომ თავის დაცვის მიზნით დანას იქნევდა.

"არ იცის ვინ დაჭრა და რამდენი დაჭრა, მაგრამ თავის დაცვის მიზნით, იქნევდა დანას. ამას აღიარებს. საქმეში მეორე დანაც ფიგურირებს. მიუხედავად იმისა, რომ ბრალდების მხარე ამტკიცებს, რომ მეორე დანა სუფრის დანა იყო. ამას მგონი არანაირი მნიშვნელობა არ აქვს. დაზარალებული 4 ადამიანია და დაზარალებული მათ შორის არის ჩემი დაცვის ქვეშ მყოფიც", - განაცხადა ადვოკატმა.

ცნობისთვის, საბა სამუშიას ბრალი სამი მუხლით აქვს წარდგენილი. ესენია: 117 მუხლის პირველი ნაწილით (ჯანმრთელობის განზრახ მძიმე დაზიანება, რომელიც 3-დან 6 წლამდე პატიმრობას ითვალისწინებს), 118 მუხლის მესამე ნაწილით (ჯანმრთელობის განზრახ ნაკლებად მძიმე დაზიანება, რომელიც 3დან 5-წლამდე პატიმრობით ისჯება) და 239 მუხლის მესამე ნაწილით (ხულიგნობა, ჩადენილი ცეცხლსასროლი იარაღის ან იარაღად სხვა საგნის გამოყენებით, რაც 4-დან 7 წლამდე პატიმრობით ისჯება). მას წინასწარი პატიმრობა მიუსაჯეს.

შეგახსენებთ, რომ 17 იანვარს, გმიერთა მოედანზე მდებარე რესტორან "აღაში" ურთიერთშელაპარაკების დროს 3 პირი დაიჭრა. ისინი საავადმყოფოში გადაიყვანეს. ერთ-ერთი დაშავებულის მდგომარეობა ამ დრომდე მძიმეა. რაც შეეხება თავდამსხმელს, ის გავრცელებული ინფორმაციით, ერთ-ერთი ანსამბლის მომღერალია, რომელიც იმ ღამეს რესტორანში მღეროდა. მანამდე გამოძიება სსკ-ის 120-ე მუხლით მიმდინაროებდა, რაც განზრახ მსუბუქ დაზიანებას გულისხმობდა.

ავტორი: ,

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა