NDI–ის მიერ ჩატარებული კვლევების თანახმად, გამოკითხული მოსახლეობის უმრავლესობა ფიქრობს, რომ ყველაზე კარგად შრომის, ჯანმრთელობისა და სოციალური დაცვის სამინისტრო მუშაობს. ფინანსთა და ეკონომიკის სამინისტროების საქმიანობას კი უარყოფითად ახასიათებენ.

გამოკითხულთა 33%–ის თქმით,  ჯანდაცვის სამინისტრო კარგად მუშაობს, 36% ამ უწყების საქმიანობას საშუალოდ აფასებს. იუსტიციის სამინისტროს საქმიანობა გამოკითხული მოსახლეობის 26%–ს მოსწონს, განათლებისა და მეცნიერების სამინისტრო – 21%–ს, თავდაცვის უწყება 14%–ს, სოფლის მეურნეობის სამინისტრო 16%–ს, ევროატლანტიკური ინტეგრაციის საკითხებში სახელმწიფო მინისტრის აპარატის საქმიანობა 8%–ს მოსწონს. 37%–მა  კი, არ იცის, როგორ მუშაობს აღნიშნული უწყება.  შინაგან საქმეთა სამინისტროს საქმიანობას 11% დადებითად აფასებს, 16% უარყოფითად, 45%კი, საშუალოდ.  საგარეო უწყების საქმიანობა გამოკითხული მოსახლეობის 9%–ს მოსწონს, რეგიონული განვითარებისა და ინფრასტრუქტურის უწყებას 8% აფასებს დადებითად, იძულებით გადაადგილებულ პირთა, განსახლებისა და ლტოლვილთა სამინისტროს –10%.

ეკონომიკისა და მდგრადი განვითარების სამინისტროს საქმიანობას  გამოკითხული მოსახლეობის 10%  დადებითად აფასებს, 22% უარყოფითად, 43% საშუალოდ, 23%–მა არ იცის როგორ მუშაობს აღნიშნული უწყება.

გამოკითხულთა 6% ფიქრობს, რომ ფინანსთა სამინისტრო კარგად მუშაობს, 29% უწყების საქმიანობა არ მოსწონს.

NDI-ის კვლევის საველე სამუშაოები ჩატარდა 27 მარტი - 19 აპრილის პერიოდში, საქართველოს მასშტაბით 4360 პირისპირ ინტერვიუს წარმომადგელობითი შერჩევის საფუძველზე.

NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს CRRC–საქართველო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა