"ევროპული საქართველოს" წევრის სერგი კაპანაძის განცხადებით, საპარლამენტო უმრავლესობა განიხილავს შესაძლებლობას, რომ დაბარების შემთხვევაში, მთავრობას აღარ ჰქონდეს  ვალდებულება, საკანონმდებლო ორგანოში მივიდეს და ფრაქციების მიერ დასმულ შეკითხვებს უპასუხოს.

როგორც კაპანაძემ აღნიშნა, ეს იქნება უკან გადადგმული ნაბიჯი ქვეყნის დემოკრატიისთვის, რადგან მთავრობაზე ეფექტური ზედამხედველობის ინსტრუმენტი დაიკარგება.

,,ეს გადაწყვეტილება იქნება სერიოზული უკან გადადგმული ნაბიჯი ჩვენი ქვეყნის დემოკრატიისთვის და რეალურად ერთადერთი ინსტრუმენტი, რომელიც არსებობს დღეს პარლამენტში, რომ განხორციელდეს ეფექტური ზედამხედველობა მთავრობაზე დაიკარგება. მინდა მოვუწოდო ყველას, რომ ყურადღებით მოეკიდონ ამ საკითხს და მათი შესაძლებლობების ფარგლებში მაქსიმალურად იმუშაონ მათ შორის მთავრობასთან, რომ ესეთი ტიპის ნაბიჯი არ იყოს გადადგმული. პრობლემა, თუ რატომ არ მოდიან მთავრობის წევრები პარლამენტში არის მათ პოლიტიკურ ნებაზე დამოკიდებული და ამიტომ ეს მიდგომა უნდა შეიცვალოს. არსად მსოფლიოს დემოკრატიულ ქვეყნებში, არ არის მიღებული პრაქტიკა, რომ თუ მთავრობა ვალდებულებას არ ასრულებს, ეს ვალდებულება გააუქმო და ამით გამოასწორო სიტუაცია“, - განაცხადა სერგი კაპანაძემ.

ავტორი: ,

სოციალური ქსელები

ტრამპი: თუ ირანი გარიგებას არ დათანხმდება, ყველა ელექტროსადგურს და ხიდს დავანგრევთ

ბერი ნიკოლოზი (ნარიმანი) გარდაიცვალა

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა