თურქეთში რუსეთის ელჩის, ანდრეი კარლოვის მკვლელობის კიდევ ერთი ორგანიზატორი დააკავეს, - ამის შესახებ Daily Sabah იუწყება.

მედია საშუალების ინფორმაციით, ეჭვმიტანილის ვინაობა არ სახელდება, თუმცა ცნობილია მისი ინიციალები - ვ.კ.ა.

მედიის ცნობით, ეჭვმიტანილი მუსლიმი მქადაგებლის ფეთჰულა გიულენის ორგანიზაცია FETO-შია გაწევრიანებული, რის გამოც ის თავის დროზე, სახელმწიფო სამსახურიდან გაათავისუფლეს.

თურქული პოლიციაში აცხადებენ, რომ ეჭვმიტანილი რუსეთის ელჩის მკვლელობის ორგანიზებაში ერთ-ერთ მთავარ როლს ასრულებდა. გამოძიებით ირკვევა, რომ ის აპლიკაცია ByLock-ს იყენებდა.

შეგახსენებთ, რომ თურქეთში რუსეთის ელჩის მკვლელობიდან ზუსტად ერთი წელი გავიდა. ანდრეი კარლოვი 2016 წლის 19 დეკემბერს ანკარაში იმ დროს მოკლეს, როდესაც ფოტოგამოფენაზე სიტყვით გამოდიოდა. მას 22 წლის მევლუთ მერთ ალთინთაშმა ესროლა, რომელიც ყოფილი სპეცრაზმელი იყო. ის პოლიციამ შემთხვევის ადგილზევე მოკლა. თურქეთმა და რუსეთმა მომხდარს ტერაქტის კვალიფიკაცია მიანიჭეს და მკვლელობის ერთობლივ გამოძიებაზე შეთანხმდნენ.

ავტორი: ,

სოციალური ქსელები

სარჯველაძე : რა ვადაში იქნება ნაპოვნი კონკრეტული პასუხი - ჩემთვის მითუმეტეს შეუძლებელია იმის ფონზე, რომ ამას ვერ ამბობს ინგლისის ხელისუფლება, ვერ ამბობს EMA

პირთა ჯგუფი ჯარში გაწვევის თავიდან ასარიდებლად, ყალბ ჯანმრთელობის ცნობებს ამზადებდა და 30 წვევამდელიდან ასი ათას ლარზე მეტი აიღო

ერთ წელიწადში საქართველოში 1560 ბავშვზე იძალადეს, მათ შორის 170-ზე სექსუალურად

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა