თემირლან მაჩალიკაშვილის ავსტრიაში სამკურნალოდ გადაყვანა ავსტრიის შინაგან საქმეთა მინისტრმა ჰერბერტ კიკლმა შეაჩერა, - ამის შესახებ Kronen Zeitung იუწყება.

როგორც ავსტრიის შს მინისტრმა აღნიშნა, ISIS-სთან შესაძლო კავშირში ბრალდებულის ქვეყნის ტერიტორიაზე შეშვება სარისკო იყო.

„დიახ, ეს ინფორმაცია სიმართლეს შეესაბამება: ჩვენთვის ძალიან სარისკო იყო „ისლამურ სახელმწიფოსთან“ კავშირში ბრალდებული ტერორისტის ავსტრიაში ჩამოყვანა, რადგან ვენაში მის მკურნალობას, შესაძლოა, შიდა უსაფრთხოებისთვის დიდი საფრთხე შეექმნა. რა თქმა უნდა, პოტენციურ ტერორისტებს ქვეყანაში ვერ შემოვუშვებთ. უსაფრთხოების ზომებიდან გამომდინარე, ტერორიზმში ეჭვმიტანილებს ავსტრიაში არ ვუშვებთ, მათ შორის სამკურნალოდაც“, - განმარტა კიკლმა.

მედია საშუალების ინფორმაციით, გარდაცვლილი თემირლან მაჩალიკაშვილი ავსტრიაში ცნობილ ისლამისტ ფანატიკოსს ახმედ ჩატაევს მხარს უჭერდა.

„ჩატაევი ვენაში 2003-2011 წლებში ცხოვრობდა, შემდეგ კი ცოლი და ხუთი შვილი მიატოვა და სირიაში საბრძოლველად გაემგზავრა. ამ პერიოდში ჩატაევმა სოციალური დახმარების სახით ავსტრიისგან 80 000 ევრო მიიღო. ის ასევე იყო თურქეთში მომხდარი ტერაქტის ერთ-ერთი ორგანიზატორი, რის შედეგადაც 45 ადამიანი დაიღუპა“, - წერს სააგენტო.

ავტორი: ,

სოციალური ქსელები

ესტონეთი ევროკავშირს „ქართული რეჟიმის“ წინააღმდეგ პერსონალური სანქციების დაწესებისკენ მოუწოდებს

სარჯველაძე : რა ვადაში იქნება ნაპოვნი კონკრეტული პასუხი - ჩემთვის მითუმეტეს შეუძლებელია იმის ფონზე, რომ ამას ვერ ამბობს ინგლისის ხელისუფლება, ვერ ამბობს EMA

პირთა ჯგუფი ჯარში გაწვევის თავიდან ასარიდებლად, ყალბ ჯანმრთელობის ცნობებს ამზადებდა და 30 წვევამდელიდან ასი ათას ლარზე მეტი აიღო

ერთ წელიწადში საქართველოში 1560 ბავშვზე იძალადეს, მათ შორის 170-ზე სექსუალურად