ხორავას ქუჩაზე მომხდარ მკვლელობაში ბრალდებულების წინასასამართლო სხდომა ხვალ, 15:00 საათზე გაგრძელდება.

დღევანდელ სასამართლო პროცესზე მხარეებმა მტკიცებულებების დასაშვებობის საკითხზე იმჯელეს.

დაცვის მხარე მიიჩნევს, რომ ბრალდების მტკიცებულებების ნაწილი კანონდარღვევითაა მოპოვებული.

ხვალინდელ პროცესზე ბრალდების მხარე დაცვის შუამდგომლობასთან დაკავშირებით საკუთარ პოზიციას დააფიქსირებს.

"დაცვის მხარე ითხოვს უმნიშვნელო მტკიცებულებების დაუშვებლად ცნობას. ბრალდების მხარეს ყველა მტკიცებულება კანონის დაცვით აქვს მოპოვებული", - განაცხადა პროკურორმა ზვიად ფხაკაძემ.

ვინაიდან საქმე არასრულწლოვნებს ეხება, პროკურორი მტკიცებულებების შინაარსობრივ მხარეზე საუბრისგან თავს იკავებს.

რა მტკიცებულებებს სცნობს მოსამართლე დასაშვებად, გადაწყვეტილება ხვალ გახდება ცნობილი.

დღევანდელ სხდომაზე ასევე, ბრალდებულებისთვის შეფარდებული აღკვეთის ღონისძიება გადაისინჯა. სასამართლომ ორივე მათგანი პატიმრობაში დატოვა.

ავტორი: ,

სოციალური ქსელები

სუს: უცხო ქვეყნის სპეცსამსახურის ჯაშუშობის ბრალდებით დაკავებულია საქართველოს 1 მოქალაქე, მხილებულია 2

მოლდოვის სასამართლომ პრორუს ოლიგარქ ვლადიმერ პლაჰოტნიუკს 19-წლიანი პატიმრობა მიუსაჯა

უნგრეთის ვეტოს მოხსნის შემდეგ, EU-მა უკრაინისთვის €90 მლრდ-ის სესხის პაკეტი დაამტკიცა

სასამართლომ ალეკო ელისაშვილი კვლავ პატიმრობაში დატოვა