მაჩალიკაშვილის მამა: ავსტრიაში გადაყვანა გარკვეულ რისკებთან არის დაკავშირებული, თუმცა მზად ვართ, გავრისკოთ

2018-01-06 14:34:59, 1904 ნახვა

საზოგადოება

პანკისის ხეობაში დაჭრილი თემირლან მაჩალიკაშვილის მამა მალხაზ მაჩალიკაშვილი, შვილის ავსტრიის კლინიკაში გადაყვანაზე თანახმაა.

თუმცა, როგორც მაჩალიკაშვილმა აღნიშნა, ტრანსპორტირება გარკვეულ რისკებთან არის დაკავშირებული.

"დავთანხმდით ავსტრიარზე, რადგან ავსტრია მედიცინის თვალსაზრისით ძალიან ძლიერი ქვეყანაა. გადაყვანა გარკვეულ რისკებთან არის დაკავშირებული, თუმცა მზად ვართ, რომ გავრისკოთ", - განაცხადა მალხაზ მაჩალიკაშვილმა.

ცნობისთვის, თემირლან მაჩალიკაშვილის ოჯახი მისი საზღვარგარეთ გადაყვანას და მკურნალობის იქ გაგრძელებას ითხოვს. კონსულტაციებს ევროპისა და თურქეთის სხვადასხვა კლინიკებთან ჯანდაცვის სამინისტრო აწარმოებს. აღსანიშნავია, რომ გუშინ უწყებამ გერმანიის კლინიკიდან პაციენტის მიღების თაობაზე უარი მიიღო, ხოლო ავსტრიის კლინიკამ მზადყოფნა გამოთქვა. თუმცა, როგორც ავსტრიის კლინიკაში აცხადებენ, პაციენტის მიღება იმ დრომდე ვერ მოხდება, სანამ ადგილები არ განთავისუფლდება.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები