ავსტრიის ერთ-ერთმა კლინიკამ თემირლან მაჩალიკაშვილის მიღების მზადყოფნა გამოთქვა

2018-01-05 19:33:27, 3363 ნახვა

საზოგადოება

წმინდა მიქაელ მთავარანგელოზის სახელობის საავადმყოფოს ექიმის ზაზა ლურსმანაშვილის ინფორმაციით, ავსტრიის კლინიკა თანახმაა პაციენტი თემირლან მაჩალიკაშვილი მიიღოს.

როგორც ზაზა ლურსმანაშვილმა ჟურნალისტებთან საუბარში განმარტა, კლინიკა თანახმაა, თუმცა ამ ეტაპზე თავისუფალი ადგილები არ აქვთ.

ექიმის თქმით, ავსტრიის კლინიკამ ჯანდაცვის სამინისტროს ინფორმაცია 24-საათის განმავლობაში უნდა მოაწოდოს.

"ავსტრიის კლინიკამ, ვისთანაც ჯანდაცვის სამინისტრო აწარმოებდა მოლაპარაკებას, პრინციპული თანხმობა განაცხადა პაციენტის მიღებაზე. ერთადერთ დაბრკოლებად ამ ეტაპზე რჩება ის გარემოება, რომ ამ მომენტისთვის თავისუფალი ადგილი არ არის და იმედოვნებენ, რომ სავარაუდოდ 24 საათში ადგილი გამოჩნდება და პაციენტის ტრანსპორტირების საკითხი დადგება“, - განაცხადა ექიმმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები