|
2017-12-28 17:44:50, 4077 ნახვა
სამართალი
სასამართლომ სპეცოპერაციისას დაკავებულ ოთხივე პირს პატიმრობა შეუფარდა
თბილისის საქალაქო სასამართლომ სპეცოპერაციისას დაკავებულ სამ პირს: რუსლან ალდამოვს, რამაზ მარგოშვილს და ბადურ ჩოფანაშვილს პატიმრობა შეუფარდა. დაცვის მხარე სხდომაზე მათთვის გირაოს შეფარდებას ითხოვდა, თუმცა მოსამართლემ მოთხოვნა არ დააკმაყოფილა. პროკურორ ელიზბარ გოზალიშვილის განცხადებით, არსებობდა საფრთხე მოწმეებზე ზემოქმედების, დანაშაულებრივი ქმედების გაგრძელების და მათ მიერ საქართველოს ტერიტორიის დატოვების. დღესვე, სასამართლომ პატიმრობა შეუფარდა სპეცოპერაციისას დაკავებულ კიდევ ერთ პირს - ზურაბ გორნაკაშვილს. მის საქმეზე პროცესი ცალკე გაიმართა. პროკურორმა განმარტა, რომ მისი საქმე ცალკე წარმოებად არ არის გამოყოფილი, არამედ მის მიმართ აღკვეთის ღონისძიების შუამდგომლობის სასამართლოში შეტანა უფრო ადრეულ ეტაპზე განხორციელდა. "მოგვიანებით მოხდა დანარჩენების მიმართ შუამდგომლობის შეტანა. შესაბამისად, სასამართლომ ჩანიშნა ორი პროცესი",- განაცხადა პროკურორმა. რაც შეეხება მეხუთე პირს თემირ მაჩალიკაშვილს, რომელიც სპეცოპერაციისას დაიჭრა, მისი სასამართლო პროცესი ჯერჯერობით ჩანიშნული არ არის. ადვოკატი ცირა ჯავახიშვილი აცხადებს, რომ მაჩალიკაშვილისთვის მისთვის არც ბრალის წარდგენა მომხდარა. სუს-ის იფნორმაციით, დაკავებულები დაკავშირებული არიან 21-22 ნოემბერს, თბილისში, ბერი გაბრიელ სალოსის ქუჩაზე ჩატარებული სპეცოპერაციის შედეგად განეიტრალებული დაჯგუფების წევრებთან და მათ ხელშემწყობ პირებს წარმოადგენენ. უსაფრთხოების სამსახურის ცნობით, დანაშაულებრივ ჯგუფთან კავშირზე მყოფი სხვა პირების გამოვლენის მიზნით, საგამოძიებო მოქმედებები გრძელდება.
|
რედაქტორის რჩევით
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ომი უკრაინაში
უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი
კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|





epn.ge (@expressnews.ge)