კასპში სარწყავი სისტემისა და სატუმბი სადგურების მოწყობა მიმდინარეობს

2017-12-22 12:16:22, 1638 ნახვა

საზოგადოება

გარემოს დაცვისა და სოფლის მეურნეობის სამინისტროს „საქართველოს მელიორაცია“ შიდა ქართლში სარწყავი სისტემისა და სატუმბი სადგურის მოწყობის პროექტს ახორციელებს.

სოფლის მეურნეობის სამინისტროს ინფორმაციით, სამუშაოები ითვალისწინებს სადაწნეო მილსადენის მოწყობას, წყალაღების კვანძის გაკეთებასა და სატუმბ სადგურში აგრეგატების დამონტაჟებას.

მიმდინარე ღონისძიებების განხორციებელის შედეგად, კასპის მუნიციპალიტეტის 3 სოფლის (ზემო ხანდაკი, სასირეთი და მეტეხი) 1180 ჰექტარ სასოფლო-სამეურნეო სავარგულზე გაუმჯობესდება სარწყავი წყლის მიწოდება.

პროექტი 2018 წლის პირველ კვარტალში დასრულდება.

დღეისათვის შიდა ქართლის რეგიონში სამელიორაციო ინფრასტრუქტურის 7 პროექტი მიმდინარეობს. სარეაბილიტაციო სამუშაოები 1 795 ჰა მიწაზე უზრუნველყოფს წყლის მიწოდების რეჟიმის გაუმჯობესებას, ხოლო წყალუზრუნველყოფილი სასოფლო-სამეურნეო მიწის ფართობი 1 912 ჰექტარს მოიცავს.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები