შინაგან საქმეთა მინისტრი ტელეკომპანია „იბერიაში“ მომხდარ შემთხვევას და დაცვის პოლიციის თანამშრომლის დაჭრის ფაქტს გამოეხმაურა.

„ამ შემთხვევას გარკვეული სპეკულაციები მოყვა. სრული პასუხისმგებლობით მინდა გითხრათ, რომ პოლიტიკურად ნეიტრალური საპოლიციო სისტემა არის ჩვენი უმთავრესი ფასეულობა და რა თქმა უნდა, მსგავს შემთხვევებს, ვისი მხრიდანაც არ უნდა მოდიოდეს ის შესაბამისი რეაგირება მოყვება“,-აღნიშნა გახარიამ.

შინაგან საქმეთა მინისტრის თქმით, გამოძიება უკვე დაწყებულია და ჯერჯერობით 126-ე მუხლით მიმდინარეობს, თუმცა შეიძლება გადაკვალიფიცირდეს. მისივე განმარტებით, სამართალდამცავ ორგანოებს აქვთ ვალდებულება, შეასრულონ თავიანთი მოვალეობა ყველა მოქალაქის წინაშე.

„პოლიტიკურად ნეიტრალური საპოლიციო სისტემა არის ქვეყნისთვის ძალზედ მნიშვნელოვანი კომპონენტი’’- განაცხადა გიორგი გახარიამ.

რაც შეეხება დაცვის პოლიციის თანამშრომლის დაჭრის ფაქტს, გიორგი გახარიას ინფორმაციით, ეს იყო თვითდაზიანება - „თუმცა კიდევ ერთხელ ვიმეორებ, რომ პროცესი მიმდინარეობს და საბოლოო შეფასებას ჯერ ვერ ვაძლევთ”,-დასძინა გახარიამ.

შეგახსენებთ, შინაგან საქმეთა სამინისტროს ინფორმაციით, უწყებაში შევიდა შეტყობინება, რომ მიმდინარე წლის 21 დეკემბერს თბილისში, ჩუბინაშვილის ქუჩაზე ტელეკომპანია „იბერიის“ გადაცემაში "ცენზურის გარეშე“, ერთიანი ნაციონალური მოძრაობის საბჭოს წევრს, ეკა წამალაშვილს სიტყვიერი და ფიზიკური შეურაცხყოფა მიაყენეს.

ავტორი: ,

სოციალური ქსელები

საქართველოს ბანკი დედამიწის დღეს მწვანე ინიციატივებს აჯამებს

NATO-ს ახალი სპეცწარმომადგენელი სომხეთში ვიზიტით იმყოფებოდა, ისაუბრეს პარტნიორობის განვითარებაზე

ალბი კორძაიას პოსტის საფუძველზე შსს-მ გამოძიება გაუპატიურების მუხლით დაიწყო

ზუგდიდში ჯიჭონაიების შვიდ სულიან ოჯახს ასახლებენ, ადგილზე ხმაურია - ვიდეო