ამერიკის შეერთებული შტატების ფინანსთა სამინისტრომ ჩეჩნეთის ლიდერი რამზან კადიროვი მაგნიტსკის „შავ სიაში“ შეიყვანა.

უწყებაში განმარტავენ,  რომ ისინი კადიროვს "სასამართლოს გარეშე დასჯაში, წამებაში და ადამიანის უფლებების სხვა სერიოზულ ფაქტებზე პასუხისმგებლად" მიიჩნევენ.

კადიროვის გარდა "შავ სიას", სადაც უკვე 49 გვარი ფიგურირებს, რუსეთის კიდევ 5 მოქალაქე შეემატა. აიუბა კატაევას, იულია მაიოროვას, ანდრეი პავლოვს და ალეკსეი შეშენინს  ამიერიდან აშშ-ში შესვლა ეკრძალებათ. განკარგულება ძალაში დღეიდან შედის.

„მაგნიტსკის კანონი“ ამერიკაში 2012 წელს მიიღეს. ეს იყო  ამერიკის რეაქცია საკონსულტაციო კომპანია Firestone Duncan-ის რუსი აუდიტორის, სერგეი მაგნიტსკის გარდაცვალებაზე, რომელმაც გამოაქვეყნა სქემა, თუ როგორ ხდებოდა რუსეთის სახელმწიფო ბიუჯეტის სახსრების დატაცება. სასანქციო ჩამონათვალში მოხვედრილ პირებს ეკრძალებათ ამერიკაში ჩასვლა და მათი აქტივები ამ ქვეყნის ტერიტორიაზე იყინება.

ანალოგიური კანონი მოქმედებს კანადაში, ხოლო ევროკავშირმა  მიიღო  რეზოლუცია, რომელიც ეროვნულ ხელისუფლებებს რეკომენდაციას აძლევს, მიიღონ სპეციალური ზომები „მაგნიტსკის სიაში“ მოხვედრილი პირების წინააღმდეგ.

ავტორი: ,

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის