საპილოტე პროექტის ფარგლებში, დედაქალაქში პირველ ეტაპზე, 14 ქუჩა გამოიყოფა, სადაც მიკროავტობუსები გაჩერებას მხოლოდ გაჩერებებზე შეძლებენ, - ამის შესახებ თბილისის მერმა კახა კალაძემ დედაქალაქის მთავრობის დღევანდელ სხდომაზე განაცხადა.

კახა კალაძემ შინაგან საქმეთა სამინისტროს საპატრულო პოლიციასთან ერთად, აღნიშნული გეგმის შემუშავებისთვის მერიის შესაბამის სამსახურებს მადლობა გადაუხადა.

„გამოიყოფა 14  ქუჩა, სადაც ყვითელ სამარშრუტო ტაქსებს ექნებათ შესაძლებლობა, მხოლოდ და მხოლოდ მოსაცდელებზე გააჩერონ. დღეს მიკროავტობუსები ნებისმიერ ადგილზე ჩერდებიან და მგზავრები,  რომლებიც ჩამოდიან, ქუჩებზე გადარბიან. ეს ძალიან სერიოზულ პრობლემას წარმოადგენს, რითაც საფრთხეს უქმნიან, როგორც საკუთარ თავს, ასევე მძღოლებსაც. ეს ყველაფერი უნდა შეიცვალოს და მოწესრიგდეს“, - განაცხადა კახა კალაძემ.

დედაქალაქის მერმა ტრანსპორტისა და კეთილმოწყობის საქალაქო სამსახურებს სთხოვა, აღნიშნული საპილოტე პროექტის ამოქმედებამდე, კონკრეტულ ქუჩებზე ინფრასტრუქტურული სამუშაოები განახორციელონ.

„ჩვენ განვახორციელებთ საპილოტე პროექტს, სადაც 14 ქუჩა იქნება წარმოდგენილი. ამ ყველაფერში საპატრულო პოლიცია ჩაერთვება. მინდა ვთხოვო ტრანსპორტისა და კეთილმოწყობის სამსახურებს, რომ ამ კონკრეტულ ქუჩებზე, ინფრასტრუქტურული სამუშაოები განახორციელოთ, იმისთვის, რომ მოსაცდელების გაფართოება მოხდეს, რათა საცობები მიზანმიმართულად არ შევქმნათ. ეს ყველაფერი მოსაწესრიგებელია. ასევე უნდა მოხდეს ინფორმირება, როგორც საზოგადოების, ასევე სამარშრუტო მიკროავტობუსის კომპანიის მფლობელების და მძღოლების, რათა რაიმე დისკომფორტი არ გამოიწვიოს არც მძღოლებში და არც მოსახლეობაში“, - განაცხადა კახა კალაძემ.

(NS)

ავტორი: ,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება