21  დეკემბერს,  საერთაშორისო ორგანიზაციის 193 წევრი არაბი და მუსლიმი სახელმწიფოების თხოვნის საფუძველზე, იერუსალიმის სტატუსთან დაკავშირებით, გაეროს გენერალური ასამბლეის საგანგებო სხდომა ჩატარდება.

Reuters–ის ცნობით, შეხვედრაზე კენჭს უყრიან რეზოლუციის პროექტს, რომელიც იერუსალიმის ისრაელის დედაქალაქად გამოცხადების შესახებ აშშ-ის პრეზიდენტის, დონალ ტრამპის გადაწყვეტილებას აუქმებს.

ცნობისთვის, 18 დეკემბერს, გაერო-ს უშიშროების საბჭოს სხდომაზე 15 წევრიდან 14-მა მხარი ტრამპის დეკლარაციის გაუქმებას დაუჭირა. უშიშროების საბჭოს წევრების პოზიციას აშშ-ის წარმომადგენელმა ვეტოთი უპასუხა.

შეგახსენებთ, 6 დეკემბერს აშშ-ის პრეზიდენტმა, დონალდ ტრამპმა განაცხადა, რომ ვაშინგტონი იერუსალიმს ისრაელის დედაქალაქად ოფიციალურად აღიარებს. ამასთან, პრეზიდენტმა  აღნიშნა, რომ ისრაელში აშშ-ის საელჩო თელ-ავივიდან იერუსალიმში გადაინაცვლებს.

საპასუხოდ, 13 დეკემბერს, ისლამური თანამშრომლობის ორგანიზაციამ აღმოსავლეთ იერუსალიმი პალესტინის დედაქალაქად აღიარა.

ავტორი: ,

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის