„ჩვენი ჯარის ნატოსთან თავსებადობა უმნიშვნელოვანესი პრიორიტეტია“, - ამის შესახებ თავდაცვის მინისტრმა თინა ხიდაშელმა ფაშიზმზე გამარჯვების 70-ე წლისთავთან დაკავშირებით გამართულ ღონისძიებაზე ჟურნალისტებს განუცხადა.

მისივე თქმით, მოქმედი ხელისუფლება ყველაფერს აკეთებს იმისთვის, რომ ქვეყანას აარიდოს დიდი საფრთხე.

„როგორც თავდაცვის მინისტრის რანგში, ეს არის ყველაზე დიდი პრიორიტეტი, გავაკეთოთ ყველაფერი იმისთვის, რომ ქვეყანას ავარიდოთ მთავარი დიდი საფრთხე. ეს არის ჩვენი ხელისუფლებისთვის მთავარი პრიორიტეტი. მიზანმიმართულად მოვდივართ ორწელიწადნახევარია. გარწმუნებთ, მცდელობას არ დავაკლებთ, რომ მშვიდობა შენარჩუნდეს საქართველოში. სხვა მხრივ, ბუნებრივია, ჩვენი ჯარის ნატოსთან თავსებადობა უმნიშვნელოვანესი პრიორიტეტია. განათლების პროგრამების შემოტანა იმისთვის, რომ უფრო მეტად  მომზადებული იყოს ჩვენი ჯარი და ოფიცრობა. ჩვენი პრიორიტეტი ყოველი ჯარისკაცის უფლებებისათვის ბრძოლაა, რომ ისინი ღირსეულ პირობებში იმყოფებოდნენ, როდესაც ემსახურებიან საკუთარ სამშობლოს“, -  განაცხადა თინა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა

აზერბაიჯანულმა მხარემ ოცნების რეჟიმს სადიგოვის ექსტრადიციის მოთხოვნის „განუხილავად დატოვება“ შესთავაზა.

ოკუპირებულ დონეცკში კობა ხაბაზს დაუსწრებლად 13 წლით თავისუფლების აღკვეთა მიუსაჯეს