„თქვენი პოლიტიკური დისკურსი, რომ საზოგადოებრივ მაუწყებელთან დაკავშირებული პროექტი ბიძინა ივანიშვილის იდეაა, უკვე დამაკნინებელია“, - ასე მიმართა იურიდიული კომიტეტის თავმჯდომარე ეკა ბესელიამ "ნაციონალური მოძრაობის" წევრ რომან გოცირიძესა და "ევროპული საქართველოს" დეპუტატ სერგო რატიანს.

როგორც ბესელიამ აღნიშნა, საპარლამენტო უმრავლესობას სურს მაუწყებელს რეფორმების განხორციელებაში დაეხმაროს.

მისივე შეფასებით, ხსენებული საკითხის მუდმივი პოლიტიზირება ხდება და ოპოზიციის ნაწილი ნეგატიურ განწყობას ქმნის.

"სერგომ ვერ გაუძლო იმას რაც უნდა მოისმინოს. წინასწარ გრძნობს და დატოვა დარბაზი. იმედია დაბრუნდება და ბოლო ნაწილს მაინც მოისმენს, რადგან მისთვის რამდენიმე წუთს შემოვინახავ საპასუხოდ. მინდა ვთქვა, რომ განსხვავებულ და კრიტიკულ აზრს პატივს ვცემ. ჩვენ სამუშაო ფორმატში ერთად ვიმუშავეთ, თუმცა ახლა ცოტა უჩვეულო ვითარებაა. ეს არის პროცესი, რომელიც თქვენგან განსხვავებით გვაწუხებს. გვინდა, მივეხმაროთ მაუწყებელს, რომ დაწყებული რეფორმები მიიყვანოს ბოლომდე. თქვენი პერსონალური შეტევების და ნეგატიური განწყობის შექმნის მიუხედავად, მაუწყებელმა უნდა შეძლოს და მაყურებელი მოიზიდოს. მაუწყებელს ძალიან საინტერესო თემები და პროექტები აქვს. იმედი მაქვს, რომ ის რეფორმა რომელიც მიმდინარეობს კარგ შედეგს მოიტანს", - განაცხადა ბესელიამ და დასძინა, რომ მთავრობა მაუწყებლის შესახებ კანონპროექტის საბოლოო რედაქციას ეთანხმება.

"პირვანდელი ვერსიისგან განსხვავებით, პროექტი მნიშვენლოვნად შეიცვალა. ბევრი რამ გასწორდა და დაიხვეწა, მათ შორის ჩვენი კოლეგების შენიშნვების მიხედვით", - აღნიშნა დეპუტატმა.

ბესელიას ინფორმაციით, საზოგადოებრივი მაუწყებლის მომავალი წლის ბიუჯეტი 44 მილიონი ლარი იქნება.

ავტორი: ,

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება