საქართველოს პრემიერ-მინისტრ ირაკლი ღარიბაშვილის ინფორმაციით, სამშენებლო კომპანია "დაგის" საქართველოს ყოფილი პრემიერ-მინისტრისთვის, ვანო მერაბიშვილისთვის,  წყნეთში სახლის აშენება აიძულეს.

როგორც ღარიბაშვილმა პარლამენტის რიგგარეშე სხდომაზე განაცხადა, ვანო მერაბიშვილის სახლისთვის ხსენებულმა კომპანიამ უკვე  მილიონ 200 000 ლარი გადაიხადა.ღარიბაშვილის თქმით, კომპანია "დაგის" მერაბიშვილის სახლისთვის დახარჯულ თანხას დღევანდელი მთავრობა უბრუნებს. პრემიერი მიიჩნევს, რომ ამ საკითხით გამოძიება უნდა დაინტერესდეს.

"არის ასეთი კომპანია "დაგი", რომელსაც აიძულეს და ე.წ. პრემიერის სახლის მშენებლობა დაავალდებულეს.ყოფილი პრემიერ-მინისტრის, ვანო მერაბიშვილის, სახლისთვის ამ კომპანიამ მილიონ ორასი  ათასი ლარი გადაიხადა უკვე. ასეთი საკითხების შემსწავლელი სპეციალური კომისია არის შექმნილი.  ამ  კომპანიას ჩვენ ახლა თანხას ვუბრუნებთ.მერაბიშვილის ახირების გამო, სახელმწიფო ზარალდება. ვფიქრობ, ეს არის გამოძიების საგანი,  ამით შესაბამისი უწყებები უნდა დაინტერესდნენ. როგორ მოხდა,  რომ კომპანიას დაავალდებულეს  ახალი სახლის მშენებლობა. ახალ სახლს აშენებინებდნენ  არათუ წყნეთის აგარაკებით სარგებლობდნენ",-განაცხადა ირაკლი ღარიბაშვილმა.

რაც შეეხება წყნეთის აგარაკებს, ღარიბაშვილის თქმით, წყნეთის აგარაკებით  დავით ბაქრაძე, გიგა  ბოკერია, ვანო  მერაბიშვილი და სხვები სარგებლობდნენ.

ამასთან, პრემიერის თქმით, მთავრობა წყნეთის აგარაკებს გაასხვისებს.

"ჩვენ გადავწყვიტეთ, რომ წყნეთის აგარაკები გავასხვისოთ. არც ერთი მთავრობის წევრს არ უსარგებლია ამ აგარაკებით.ერთ-ერთი აგარაკი დავუკანონეთ მანანა გამსახურდიას, რომელსაც წლების განმავლობაში  არ გადასცეს საკუთრებაში ის აგარაკი, რომელიც წესით ეკუთვნოდა ყოფილი პრეზიდენტის მეუღლეს და ჩვენ გადავეცით.  დანარჩენი ყველა აგარაკი იყიდება",-აღნიშნა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა

აზერბაიჯანულმა მხარემ ოცნების რეჟიმს სადიგოვის ექსტრადიციის მოთხოვნის „განუხილავად დატოვება“ შესთავაზა.

ოკუპირებულ დონეცკში კობა ხაბაზს დაუსწრებლად 13 წლით თავისუფლების აღკვეთა მიუსაჯეს