დედაქალაქის მერმა თბილისის მერიის ზედამხედველობის საქალაქო სამსახურს სთხოვა, კონკრეტულ პირებს მიეცეთ გარკვეული ვადა იმისთვის, რომ მდინარე მტკვარზე უკანონო მშენებლობების დემონტაჟი თავად განახორციელონ, წინააღმდეგ შემთხვევაში, კანონით გათვალისწინებული ზომები გატარდება.

როგორც კახა კალაძემ დედაქალაქის მთავრობის დღევანდელ სხდომაზე განაცხადა, მტკვარზე გარკვეული, გაუგებარი მშენებლობები ყოველგვარი კანონის დარღვევით მიმდინარეობს.

„თუ დააკვირდებით, ძალიან ცუდია, იქ რაც ხდება. ვიცი, რომ ცვლილებებია მომზადებული, რომლის დამტკიცებაც საქართველოს მთავრობასთან ერთად უნდა მოხდეს. მიუხედავად იმისა, რომ დღეს მოქმედი კანონმდებლობა კრძალავს ნებისმიერი ტიპის, მათ შორის, დროებითი კონსტრუქციების უნებართვო მშენებლობას შესაბამისი ნებართვის გარეშე, ვფიქრობთ, რომ მეტი სიცხადისთვის დაზუსტება აუცილებელია“, - განაცხადა კახა კალაძემ.

მისივე თქმით, ზედამხედველობის საქალაქო სამსახური ერთ კონკრეტულ ობიექტზე უკვე იმყოფებოდა, რომელიც მდინარე მტკვარზე მშენებლობას უნებართვოდ ახორციელებს.

„მიეცით გარკვეული ვადები, დრო, რომ თვითონვე განახორციელონ უსახური შენობა-ნაგებობის დემონტაჟი, წინააღმდეგ შემთხვევაში, იმოქმედეთ კანონის ფარგლებში“, - განაცხადა თბილისის მერმა.

(NS)

ავტორი: ,

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება