„თიბისი ბანკმა“ ევროპის საინვესტიციო  ბანკის ჯგუფთან (EIB Group) 94 მილიონი ევროს ღირებულების  ორ საგარანტიო  ხელშეკრულებას მოაწერა ხელი.

80 მილიონი ევროს ღირებულების საგარანტიო ხელშეკრულება „ევროკავშირის დაფინანსება ნოვატორებისთვის“ (InnovFin) საქართველოში ინოვაციური მცირე და საშუალო საწარმოების  განვითარებას  მოხმარდება, ხოლო 14 მილიონი  ევროს  ღირებულების ხელშეკრულება „ევროკავშირი ბიზნესისთვის“ (EU4Business) მიკრო საწარმოების  განვითარების  ხელშეწეყობას ითვალისწინებს.

„InnovFin“ საგარანტიო ხელშეკრულება დააზღვევს  თიბისი ბანკის  მიერ გაცემული თითოეული სესხის 50%-ს. ხოლო, მეორე საგარანტიო შეთანხმება  „EU4Business“ კი გაცემული სესხის-70%-ს.

„აღნიშნული საგარანტიო  ხელშეკრულებების  ხელმოწერა „ევროპის საინვესტიციო  ბანკის  ჯგუფთან“  ჩვენი კომპანიების  თანამშრომლობის მნიშვნელოვანია ეტაპია. საგარანტიო პროდუქტების მოცულობა და სტრუქტურა თიბისი ბანკს საშუალებას  მისცემს, ხელი შეუწყოს  საქართველოში  მიკრო, მცირე და საშუალო საწარმოების დაფინანსებასა და განვითარებას. ქართულ  საფინანსო  სექტორში  საგარანტიო საშუალებების შემოტანა  მნიშვნელოვანი ფაქტორია ეკონომიკის ზრდისთვის.  მოხარული ვართ,  რომ „ევროპის საინვესტიციო ბანკთან“ და „ევროპის საინვესტიციო ფონდთან“   ჩვენი წარმატებული პარტნიორობა გრძელდება. ვიმედოვნებთ, რომ ამ ურთიერთთანამშრომლობის ფარგლებში კიდევ მეტ გარიგებას განვახორციელებთ მომავალში. ეს არის უპრეცედენტო შემთხვევა საქართველოში, როდესაც გარანტიას იძლევა ევროპის საინვესტიციო ბანკი და შესაბამისად ჩვენ ეს საშუალებას მოგვცემს, უფრო უკეთეს პირობებში უფრო გაზრდილი მასშტაბებით დავაფინანსოთ ქართული კომპანიები“, - განაცხადა თიბისი ბანკის გენერალურმა დირექტორმა ვახტანგ ბუცხრიკიძემ.

„ევროპის საინვესტიციო  ბანკის“ ვიცე-პრეზიდენტის ვაზილ ჰუდაკის თქმით, „ევროპის  საინვესტიციო ბანკის ჯგუფის“ მიერ საქართველოში მცირე და საშუალო  ბიზნესის მხარდაჭერა  ამ სექტორის ზრდას ხელს შეუწყობს:

„ევროპის  საინვესტიციო ბანკის ჯგუფის“ მიერ საქართველოში მცირე და საშუალო  ბიზნესის მხარდაჭერა ამ სექტორის  ზრდას, კონკურენტუნარიანობასა და  კიდევ უფრო მეტი სამუშაო  ადგილის შექმნას შეუწყობს ხელს“, - აღნიშნა ევროპის საინვესტიციო  ბანკის“ ვიცე-პრეზიდენტმა ვაზილ ჰუდაკმა.

„ევროპის საინვესტიციო ფონდის“ აღმასრულებელი დირექტორი  პიერ ლუიჯი გილბერტი საქართველოში ორი საგარანტიო ხელშეკრულების ხელმოწერას მიესალმება:

„თიბისი ბანკი წამყვანი ქართული ბანკია, რომელიც აქტიურად  აფინანსებს მცირე და საშუალო საწარმოებსა და კომპანიებს. დღევანდელი ხელშეკრულება საშუალებას მისცემს ბანკს, გააფართოვოს თავისი დაფინანსების არეალი, რაც სარგებელს მოუტანს  ქართულ კომპანიებს“,-აღნიშნა   „ევროპის საინვესტიციო ფონდის“ აღმასრულებელმა  დირექტორმა  პიერ ლუიჯი გილბერტმა.

„ევროპის  საინვესტიციო ფონდი“ „ევროპის საინვესტიციო ბანკის ჯგუფის“ ნაწილია. მისი ძირითადი მისია ევროპის მიკრო, მცირე და საშუალო ბიზნესის მხარდაჭერაა მათთვის დაფინანსების  ხელმისაწვდომობაზე დახმარების გზით.

„ევროპის საინვესტიციო ბანკი“ ევროკავშირის გრძელვადიანი  სასესხო ფინანსური  რესურსის  მიმწოდებელი ინსტიტუტია, რომელსაც ფლობენ  ევროკავშირის წევრი სახელმწიფოები.  ის ხელმისაწვდომს ხდის გრძელვადიან დაფინანსებას ჯანსაღი ინვესტიციებისთვის, რათა ევროკავშირის პოლიტიკის მიზნების მიღწევას შეუწყოს ხელი.

ფოტო რეპორტაჟი

(NS)

ავტორი: ,

სოციალური ქსელები

WSJ: დუბაის სასამართლომ რუსეთიდან საწვავის 700 მილიონი დოლარის გაყიდვები გაყინა

მოსკოვის ციხეში პუტინის კიდევ ერთი კრიტიკოსი რეჟისორი ალექსანდრ კონდრატოვი გარდაიცვალა

AnchorGPC-ის დაბადების დღეზე საქართველოს ბანკის მომხმარებლები სპეციალური შეთავაზებით ისარგებლებენ

ისარგებლე ყოველდღე ქეშბექ შეთავაზებებით საქართველოს ბანკის SUPER ნაკრების ფარგლებში