პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილი „ევროპული საქართველოს“ წევრის ირმა ნადირაშვილის განცხადებას გამოეხმაურა, რომლის თანახმადაც, ერთ-ერთი ვერსიით, აჰმედ ჩატაევი საქართველოში თავად სახელმწიფომ შემოიყვანა.

სესიაშვილის თქმით, ეს განცხადება ღირსების შემლახველია:

„ვერსია ვერსიაა და პოლიტიკური თავდასხმა და შეურაცხყოფა მეორეა, ქალბატონო ირმა. ის ვერსია, რომ თავად სუსმა შემოიყვანა, უბრალოდ ღირსების შემლახავია, რას ეუბნებით გარდაცვლილი გმირი სპეცრაზმელის ოჯახის წევრებს, ან მის თანამებრძოლებს, რომ მისმა ხელმძღვანელობამ მტერი შემოიყვანა და თანამებრძოლი და ოჯახის წევრი მოუკლა? ეს ხომ ძალიან დიდი  შეურაცხყოფაა?! ეს ხომ არ გეკადრებათ თქვენ. ეს სირცხვილია თქვენი მხრიდან. უნდა შევძლოთ, თუნდაც იშვიათად, ჩვენი კონსოლიდირება და ისევ და ისევ საერთო ინტერესების დაცვა“,-განაცხადა ირაკლი სესიაშვილმა.

შეგახსენებთ, ნადირაშვილმა პლენარულ სხდომაზე განაცხადა, რომ ხელისუფლება სპეცოპერაციასთან დაკავშირებით დუმილის უფლებას იყენებს, ამ პირობებში კი  მომხდარის ვერსიები ვრცელდება. მანვე განმარტა, რომ ერთ-ერთი ვერსიით,  ჩატაევი საქართველოში მმართველმა ძალამ შემოიყვანა.

ავტორი: ,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო