რუსეთი მიიჩნევს, რომ ამერიკის შეერთებული შტატების მხრიდან საქართველოსთვის ტანკსაწინააღმდეგო სარაკეტო კომპლექსის, Javelin-ის მიწოდებამ, შესაძლოა, თბილისს რეგიონში ახალი სახიფათო ავანტიურისკენ უბიძგოს, - ამის შესახებ რუსეთის საგარეო საქმეთა სამინისტროს განცხადებაშია ნათქვამი.

როგორც განცხადებაშია ხაზგასმული, Javelin-ის მიწოდება, 2008 წლის შემდეგ, აშშ-სა და საქართველოს შორის ასეთი მასშტაბის პირველი სამხედრო გარიგებაა.

"რუსულმა მხარემ ყურადღება გაამახვილა თბილისსა და ნატო-ს წევრ ქვეყნებს შორის სამხედრო თანამშრომლობის საფრთხეზე. ცოტა ხნის წინ ამერიკის შეერთებული შტატების სახელმწიფო დეპარტამენტმა და პენტაგონმა თბილისისთვის ტანკსაწინააღმდეგო სარაკეტო კომპლექსის, Javelin-ის მიწოდება დაამტკიცეს. ეს 2008 წლის შემდეგ, აშშ-სა და საქართველოს შორის ასეთი მასშტაბის პირველი სამხედრო გარიგებაა. ამერიკის მხარდაჭერით საქართველოს ტერიტორიაზე იგეგმება მორიგი სამხედრო-საწვრთნელი ცენტრის მშენებლობა. რუსული მხარე მსგავსი ტიპის სამხედრო მხარდაჭერას აღიქვამს, როგორც ბიძგს იმისკენ, რომ თბილისმა რეგიონში ახალი ავანტიურები განახორციელოს", - ნათქვამია განცხადებაში.

შეგახსენებთ, რომ 21 ნოემბერს ამერიკის შეერთებული შტატების სახელმწიფო დეპარტამენტმა, საქართველოსთვის Javelin-ის ანტისატანკო სარაკეტო კომპლექსების გადაცემის გადაწყვეტილება მიიღო. თავდაცვისა და უსაფრთხოების სააგენტოს ინფორმაციით, ტექნიკის ღირებულება 75 მილიონ დოლარს აღწევს.

ავტორი: ,

სოციალური ქსელები

ვლადიმერ ჭინჭარაულის მიღწევები - საქართველოს ბანკის კამპანია „რომელი ბრენდი იმსახურებს ჩემპიონს?“ გრძელდება

რომელ პროფესიულ აკადემიებში შეგიძლია ისწავლო ხელოვნური ინტელექტი BOG-ის სტიპენდიით?

გადაიხადე ხელის გულით - მომავლის გამოცდილება თიბისისგან

კორეული პრემიუმ ბრენდი - Erborian ოფიციალურად უკვე PSP-შია!