იუსტიციის სამინისტროს გენერალურმა ინსპექციამ 2015 წლის 7 მაისს დააკავა პირი, რომელიც მოქალაქეებს იუსტიციის სამინისტროს სისტემის მოხელეთა სახელით ატყუებდა და ყალბი პასპორტის, ასევე, სხვა დოკუმენტების დამზადების სანაცვლოდ  ფულს სძალავდა.

უწყების ცნობით, გამოძიებით დადგინდა, რომ დაკავებული პირი, საქართველოს მოქალაქე  (ი. ა.), ასევე, საქართველოს მოქალაქეს (დ. ბ.) ყალბი დაბადების მოწმობის, პირადობის მოწმობისა და საზღვარგარეთის პასპორტის დამზადებას ჰპირდებოდა და ატყუებდა, რომ ამისთვის საჭირო იყო იუსტიციის სახლში მომუშავე პირებისათვის გარკვეული ოდენობის თანხის გადახდა.

„კერძოდ, დაკავებულმა პიროვნებამ (ი. ა.) საქართველოს მოქალაქეს (დ. ბ.) საქმის მოსაგვარებლად მოსთხოვა 4000 ამერიკული დოლარი, საიდანაც 1000 ამერიკული დოლარი წინასწარ გამოართვა, ვითომდა იუსტიციის სახლის თანამშრომლებისათვის გადასაცემად, და თაღლითურად მიითვისა. 

გენერალურ ინსპექციაში 2015 წლის 6 თებერვლიდან მიმდინარეობს გამოძიება მოხელეთა მიერ შესაძლო ქრთამის აღების ფაქტთან დაკავშირებით, დანაშაული გათვალისწინებული „საქართველოს სისხლის სამართლის კოდექსის“ 338-ე მუხლის პირველი ნაწილით. გამოძიებით დადგინდა, რომ სახელმწიფო მოხელეთა მხრიდან ქრთამის აღების ფაქტს ან დაკავებულ პირთან რაიმე ტიპის კონტაქტს ადგილი არ ჰქონია.

საზოგადოებას შევახსენებთ, რომ იუსტიციის სამინისტროს გენერალურმა ინსპექციამ სახელმწიფო მოხელეთა სახელით ჩადენილი კიდევ ერთი დანაშაული სულ ახლახან გამოავლინა და 2015 წლის 20 აპრილს თაღლითობისა და ყალბი ოფიციალური დოკუმენტის დამზადების ფაქტზე პაკისტანის მოქალაქე დააკავა“, - ნათქვამია გენერალური ინსპექციის განცხადებაში.

იუსტიციის სამინისტროს გენერალური ინსპექცია სისხლის სამართლის საქმეზე აგრძელებს ინტენსიური საგამოძიებო მოქმედებების წარმოებას და აცხადებს, რომ ნებისმიერ დანაშაულებრივ ფაქტს, რომელთაც სახელმწიფო მოხელის სახელს ამოფარებული  მოქალაქე ჩაიდენს, მოჰყვება მკაცრი რეაგირება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს