სოფელ ოკამთან ავტოავარიის შედეგად 19 ადამიანი დაშავდა

2017-11-25 15:33:24, 2151 ნახვა

სამართალი

სოფელ ოკამთან ორი სამგზავრო მიკროავტობუსი ერთმანეთს შეეჯახა, რის შედეგადაც 19 ადამიანი დაშავდა.

დაშავებულებიდან 14 სკოლის მოსწავლეა, ერთი კი, მშობელი.

ბავშვების ჯანმრთელობის მდგომარეობა ამ დროისთვის დამაკმაყოფილებელია. რაც შეეხება მშობელს, მდგომარეობის სიმძიმის გამო, მისი თბილისში გადაყვანა გახდა საჭირო.

შინაგან საქმეთა სამინისტროს საზოგადოებასთან ურთიერთობის სამსახურის ინფორმაციით, მომხდარზე გამოძიება სისხლის სამართლის კოდექსის 276-ე მუხლის პირველი ნაწილით მიმდინარეობს, რაც გულისხმობს ავტომობილის, ტრამვაის, ტროლეიბუსის, ტრაქტორის ან სხვა მექანიკური ტრანსპორტის მოძრაობის უსაფრთხოების ან ექსპლუატაციის წესის დარღვევას იმის მიერ, ვინც ამ სატრანსპორტო საშუალებას მართავს და რამაც ჯანმრთელობის ნაკლებად მძიმე დაზიანება გამოიწვია.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები