პარლამენტის თავმჯდომარის ირაკლი კობახიძის შეფასებით, მიწასთან დაკავშირებულ ახალ   რეგულაციას   ეკონომიკაზე შესაძლოა, გარკვეული ნეგატიური ეფექტი  ჰქონდეს.

თუმცა, მისივე თქმით, საბაზრო ურთიერთობებში მიწის მაჩვენებელი მაინცდამაინც მაღალი არ არის:

„თუმცა, ჩვენ მთლიანობაში ამ ნორმის დადგენისას გავითვალისწინეთ სხვადასხვა ფაქტორი. ეს იყო ამ ნორმის შესაძლო გავლენა ეკონომიკაზე, გვქონდა სერიოზული მსჯელობა და კონსულტაციები ამასთან დაკავშირებით. გავლენა ინვესტიციებზე, ინვესტიციების მოზიდვაზე, ასევე გავითვალისწინეთ მიწის არსებული და პოტენციური საბაზრო ფასი და ა.შ. საბოლოო ჯამში დავადგინეთ, რომ დღევანდელი ეფექტი მიწის საბაზრო ურთიერთობებში მოქცევის მაინცდამაინც მაღალი არ არის. კერძოდ, მაინცდამაინც დიდი არ არის ეკონომიკაზე შესაბამისი მაჩვენებელი, დიდი არ არის ინვესტიციებზე ამ ფაქტორის გავლენა, და შესაბამისად ამის გათვალისწინებით, ასევე მიწის არსებული და პოტენციური ფასის გათვალისწინებით, ჩვენ მივიღეთ გადაწყვეტილება, რომ კონკრეტული დათქმით შეგვეზღუდა სასოფლო-სამეურნეო დანიშნულების მიწის გასხვისება არამოქალაქეებზე, თუმცა, არის საგანგებო დათქმა მოცემული ორგანულ კანონთან დაკავშირებით და ამაზე დაიწყება მუშაობა, მათ შორის ბიზნესთან აქტიური კონსულტაციის საფუძველზე, მიიღება საგანგებო ორგანული კანონით, რომლითაც გაიწერება მათ შორის ინვესტიციის მოზიდვის შესაძლებლობები იმ შემთხვევაში, როდესაც საქმე ეხება მიწის საკუთრების უფლებას სასოფლო -სამეურნეო დანიშნულების მიწასთან მიმართებით. შესაბამისად, მთლიანობაში ჩვენ გვაქვს ზომიერი და სწორი გადაწყვეტილებები მიღებული ამ საკითხთან დაკავშირებით. როგორც რეფერენდუმთა, ისე მიწასთან დაკავშირებით. აქ ამოცანაა, იყოს სახელმწიფოებრივი ინტერესები დაცული და იყოს მათ შორის ჩვენი ეკონომიკური ზრდის ინტერესი დაცული. ეკონომიკური ზრდა არის ჩვენი მთავრობის, ხელისუფლების უმთავრესი პრიორიტეტი, ჩვენ ვინარჩუნებთ ღია ეკონომიკის პოლიტიკას, ამის საფუძველზე ჩვენ მივაღწიეთ 4.7 %-იან ეკონომიკურ ზრდას, რაც არის ძალიან მაღალი მაჩვენებელი იმ ვითარებაში, რომელიც მთელი რეგიონის მასშტაბით არის შექმნილი. ეს არის ჩვენი სწორი ეკონომიკური პოლიტიკის შედეგი”,-განაცხადა კობახიძემ.

ავტორი: ,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო