სპეცოპერაციის ადგილიდან მოსახლეობის ევაკუაცია გრძელდება

2017-11-22 12:05:24, 2016 ნახვა

სამართალი

ბერი გაბრიელ სალოსის გამზირზე, კორპუსებიდან, სადაც სპეცოპერაცია მიმდინარეობს, მოსახლეობის ევაკუაცია გრძელდება.

მოქალაქეები ტერიტორიას სპეცრაზმის და სამართალდამცველების მეთვალყურეობის ქვეშ ტოვებენ.

კორპუსიდან, სადაც ეჭვმიტანილები იმყოფებიან, მოსახლეობა სამართალდამცველებმა გვიან ღამით, სპეცოპერაციის დაწყებისთანავე გამოიყვანეს. ამ დროისთვის კი, ტერიტორიიდან მიმდებარე კორპუსის მაცხოვრებლებიც გამოდიან.

შეგახსენებთ, ბერი გაბრიელს სალოსის ქუჩაზე ანტიტერორისტული ოპერაცია 16 საათზე მეტია მიმდინარეობს. ადგილზე სამართალდამცველებს და ეჭვმიტანილ პირებს შორის შეტაკება რამდენჯერმე მოხდა. ისმოდა სროლის და აფეთქებების ხმა. ამასთან, იმ კორპუსის მესამე და მეოთხე სართულზე, სადაც ეჭვმიტანილები იმყოფებიან ხანძარი გაჩნდა. ცოტა ხნის წინ სპეცოპერაციის ადგილზე ჯავშანტექნიკაც შეიყვანეს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები