საქართველოს პრეზიდენტ გიორგი მარგველაშვილის განცხადებით, მის კონპეტენციაში არ შედის, გადაწყვიტოს,  ვინ იქნება თავდაცვის მინისტრი, თუმცა ფიქრობს, რომ ამ უწყების ხელმძღვანელები ასე ხშირად არ უნდა იცვლებოდნენ.

როგორც გიორგი მარგველაშვილმა ჟურნალისტებს განუცხადა, რეფორმების პროცესში, თავდაცვის სფეროში  სტაბილურობის შენარჩუნება მნიშვნელოვანია.

,,თავდაცვის მინისტრთან დაკავშირებით მე ხაზგასმით ვთქვი ის, რომ ასე ხშირად თავდაცვის მინისტრები არ უნდა იცვლებიდნენ. ქვეყანაში, სადაც ძალიან მნიშვნელოვანი ნაბიჯები გვაქვს გადასადგმელი, ამ სფეროში განსაკუთრებული სტაბილურობაა საჭირო",-განაცხადა გიორგი მარგველაშვილმა და აქვე დასძინა, რომ  მას  ირაკლი ალასანიას შეცვლის გამოც, ნეგატიური რეაქცია ჰქონდა.

,,თქვენ ალბათ გახსოვთ, რომ ალასანიას შეცვლაზეც მე ძალიან ნეგატიური რეაქცია მქონდა, ამ შემთხვევაშიც  მირჩევნია, ბევრად მეტი სტაბილურობა იყოს.  აქ არანაირი პოლიტიკური თემა არ არის, აქ არის ქართული არმია და ქართული ჯარი“,- განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა

აზერბაიჯანულმა მხარემ ოცნების რეჟიმს სადიგოვის ექსტრადიციის მოთხოვნის „განუხილავად დატოვება“ შესთავაზა.

ოკუპირებულ დონეცკში კობა ხაბაზს დაუსწრებლად 13 წლით თავისუფლების აღკვეთა მიუსაჯეს