ესპანეთის უზენაესმა სასამართლომ კატალონიის პარლამენტის ყოფილ სპიკერს, კარმე ფორკადელს წინასწარი პატიმრობა შეუფარდა, თუმცა მას გირაოს სანაცვლოდ გათავისუფლების ნებართვაც მიანიჭა, - ამის შესახებ Ria იუწყება.

მედია საშუალების ინფომრაციით, სასამართლოს გადაწყვეტილებით პარლამენტის ყოფილმა სპიკერმა 150 ათასი ევრო უნდა გადაიხადოს, იმისათვის, რომ გამოძიების დასრულებამდე თავისუფლებაზე დარჩეს.

გარდა ამისა, კიდევ 4 ყოფილი დეპუტატი ასევე გირაოს სანაცვლოდ გაათავისუფლეს. მათ 25 ათასი ევროს ოდენობის გირაო ერთი კვირის განმავლობაში უნდა გადაიხადონ.

გირაოს გადახდის შემთხვევაში პარლამენტის ყოფილმა წევრებმა ყოველი კვირის ბოლოს სასამართლოს უნდა მიაკითხონ, მათ საერთაშორისო პასპორტი ჩამოერთვათ და შესაბამისად ესპანეთის ტერიტორიის დატოვების უფლება არ აქვთ. 

პროცესის დასრულების შემდეგ, პუჩდემონის გარემოცვის წევრებმა ღამე წინასწარი დაკავების იზოლატორში გაატარეს.

ცნობისთვის, გუშინ გამართულ სასამართლო სხდომაზე, რომელიც დახურულ კარს მიღმა ჩატარდა, ყოფილმა დეპუტატებმა განაცხადეს, რომ დამოუკიდებლობის გამოცხადებას "სიმბოლური ხასიათი" ჰქონდა. რაც შეეხება კატალონიის ყოფილ მეთაურს კარლეს პუჩდემონს მასზე საერთაშორისო ორდერია გაცემული. ის ამ დრომდე ბელგიაში იმყოფება. ოფიციალური ბრიუსელი ორდერის შესწავლით არის დაკავებული.

ავტორი: ,

სოციალური ქსელები

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს

პენტაგონი ჰეგსეთის „ლოცვის“ „Pulp Fiction“-დან რომელიც ბიბლიაში არ არსებობს ახსნა შეეცადა

აშშ-მ რუსულ ნავთობზე დაწესებული სანქციები კიდევ ერთი თვით შეამსუბუქა, მიუხედავად იმისა, რომ თქვა სანქციებს არ შეამსუბუქებდა

ანაპას მახლობლად, შავ ზღვაში ნავთობის დაღვრას „ჩრდილოვან“ ტანკერზე დრონის თავდასხმას უკავშირებენ