|
2017-11-08 17:56:28, 1886 ნახვა
ეკონომიკა
დიმიტრი ქუმსიშვილი ევროპის საბჭოს ბანკის მმართველის მოადგილეს შეხვდა
პირველი ვიცე-პრემიერი, ფინანსთა მინისტრი დიმიტრი ქუმსიშვილი ევროპის საბჭოს ბანკის (CEB) მმართველის მოადგილეს როზა მარია სანჩეს - ებრა ალონსოს (Rosa María Sánchez-Yebra Alonso) შეხვდა. უწყების პრესსამსახურის ინფორმაციით, შეხვედრაზე პირველმა ვიცე-პრემიერმა დიმიტრი ქუმსიშვილმა ისაუბრა საქართველოს ეკონომიკურ მდგომარეობასა და პოზიტიურ მაკროეკონომიკურ მაჩვენებლებზე, რომლებიც მიმდინარე წელს ზრდადი დინამიკით ხასიათდება. მან ყურადღება გაამახვილა მთავრობის 4-პუნქტიან გეგმაზე, რომლის მიხედვითაც ხორციელდება მნიშვნელოვანი ფისკალური და სტრუქტურული რეფორმები. ევროპის საბჭოს ბანკის მმართველის მოადგილე განსაკუთრებით დაინტერესდა აღნიშნული რეფორმების მიმდინარეობით. მათ შორის, განსაკუთრებული აქცენტი გაკეთდა სივრცით რეფორმაზე, აგრეთვე, საჯარო სექტორში ენერგოეფექტურობის განვითარებაზე, მცირე და საშუალო მეწარმეობის მხარდაჭერასა და სხვა. ევროპის საბჭოს ბანკის მმართველის მოადგილემ დადებითად შეაფასა საქართველოს ეკონომიკური ვითარება. ევროპის საბჭოს ბანკის დაფინანსებით საქართველოში 25 სკოლის რეაბილიტაცია მიმდინარეობს, გარდა ამისა, განიხილება აღნიშნული საფინანსო ინსტიტუტის მონაწილეობა საქართველოს ჩრდილოეთით, სვანეთის მიმართულებით გზისა და სხვა ინფრასტრუქტურული პროექტების მშენებლობის პროცესში, რომელთაც მნიშვნელოვანი ტურისტული პოტენციალი გააჩნიათ. შეხვედრის დასასრულს, მხარეები შეთანხმდნენ, რომ გააგრძელებენ სამომავალო თანამშრომლობას საქართველოსთვის მნიშვნელოვანი პროექტების მხარდაჭერის მიმართულებით.
(NS)
საქართველოს ბანკი დედამიწის დღეს მწვანე ინიციატივებს აჯამებს
NATO-ს ახალი სპეცწარმომადგენელი სომხეთში ვიზიტით იმყოფებოდა, ისაუბრეს პარტნიორობის განვითარებაზე
ალბი კორძაიას პოსტის საფუძველზე შსს-მ გამოძიება გაუპატიურების მუხლით დაიწყო
ზუგდიდში ჯიჭონაიების შვიდ სულიან ოჯახს ასახლებენ, ადგილზე ხმაურია - ვიდეო
|
რედაქტორის რჩევით
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ომი უკრაინაში
უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი
კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|





epn.ge (@expressnews.ge)