თავდაცვის ყოფილი მინისტრი მინდია ჯანელიძე დარწმუნებულია, რომ ყველა ის პროექტი, გაგრძელდება, რომელიც საქართველოს შეიარაღებული ძალების შესაძლებლობებს გააძლიერებს.

ამის შესახებ ჯანელიძემ  ჟურნალისტებს თავდაცვის უწყებაში  მინისტრობის კანდიდატთან  თინა ხიდაშელთან ერთად გენერალური შტაბის შემადგენლობასთან გამართული შეხვედრის შემდეგ განუცხადა.

მინდია ჯანელიძე თავდაცვის სამინისტროს გენშტაბის  შემადგენლობას გაწეული სამსახურისთვის მადლობას უხდის.

„მინდა მადლობა გადავუხადო  თავდაცვის სამინისტროს გენერალური შტაბის  მთელ შემადგელობას იმ  სამსახურისთვის, რაც ჩვენ ერთად გავწიეთ. ჩვენ დღეს ახალ მინისტრთან ერთად შევხვდით ხელმძღვანელობას, მოხდა გაცნობითი შეხვედრა. თინა ხიდაშელთან მანამდეც მქონდა შეხვედრა, რომელზეც მოსაზრებები გავცვალეთ, ვისაუბრეთ მიმდინარე ძირითადი პროცესების,  ხედვების შესახებ.  დარწმუნებული ვარ, ყველა ის პროექტი, გეგმა გაგრძელდება და მივა ბოლომდე, რაც ჩვენი შეიარაღებული ძალების შესაძლებლობებს გააძლიერებს. ვფიქრობ, ყველაფერი კარგად იქნება“, – აღნიშნა ჯანელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times