ესპანეთის მთავრობა კატალონიაში კანონის აღდგენასა და არჩევნების ჩატარებას საკუთარ ამოცანად მიიჩნევს, - ამის შესახებ ესპანეთის პრემიერ-მინისტრმა მარიანო რახოიმ განაცხადა. ინფორმაციას Ria ავრცელებს.

როგორც რახოიმ აღნიშნა, იმისათვის, რომ კანონიერების აღდგენა მომხდარიყო, კონსტიტუციის 155-ე მუხლის აღდგენა გახდა აუცილებელი.

„ამის შემდეგ 6 თვის განმავლობაში, უნდა ჩავატაროთ არჩევნები, ყველა გარანტიით. ასევე თავიდან უნდა ავიცილოთ ის არასასიამოვნო გამოცდილება, რომელიც რეფერენდუმის ჩატარების დღეს ვიხილეთ“, -განაცხადა ქვეყნის პრემიერმა.

მან კატალონიის მთავრობას ნორმალური თანაცხოვრების აღდგენისკენ მოუწოდა და დასძინა, რომ მათ უნდა გააკეთონ ყველაფერი, რათა ეკონომიკური სიტუაცია არ გაუარესდეს.

„სიტუაცია საკმაოდ რთული გახდა, ვინაიდან კატალონიის მთავრობის თავმჯდომარემ და ჟენერალიტეტმა საკუთარი თავი კანონგარეშედ დააყენეს. საზოგადოებაში განხეთქილება მოხდა. ასევე შეშფოთებას იწვევს ამ პროცესის ეკონომიკაზე გავლენა“, - აღნიშნა რახოიმ.

ცნობისთვის, 21 ოქტომბერს ოფიციალურმა მადრიდმა კატალონიის ავტონომიურ მთავრობას უფლებამოსილება ჩამოართვა. ესპანეთმა კონსტიტუციის 155-ე მუხლი აამოქმედა, რომელიც რეგიონისთვის ავტონომიის სტატუსის გაუქმებას გულისხმობს.

შეგახსენებთ, რომ კატალონიაში ე.წ. რეფერენდუმი 1 ოქტომბერს ჩატარდა. მასში მონაწილეობა 2 მილიონზე მეტმა ადამიანმა მიიღო. წინასწარი მონაცემებით, ესპანეთიდან გამოყოფას ამომრჩევლების 90%-მა დაუჭირა მხარი. ამასთან, ე.წ. რეფერენდუმი დაძაბულ ვითარებაში, შეტაკებების ფონზე წარიმართა. მომხდარი შეტაკების შედეგად, დაშავებულთა რიცხვი 893 შეადგენს, მათ შორის არიან სამართალდამცველებიც. კატალონიის რეგიონალურმა ხელისუფლებამ 2,300 საარჩევნო უბნის გახსნა მოახერხა, საიდანაც პოლიციამ 400-მდე საარჩევნო უბანი დახურა. ოფიციალური მადრიდი, ისევე როგორც ევროკავშირი პლებისციტს არ აღიარებენ და არაკანონიერს უწოდებენ. ამასთან, 10 ოქტომბერს კატალონიის მეთაურმა კარლეს პუჩდემონმა რეგიონის ე.წ. დამოუკიდებლობის დეკლარაციას ხელი მოაწერა.

ავტორი: ,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს